​Die Skryflaboratorium van die Universiteit se Taalsentrum bied gratis een-tot-een skryfkonsultasies aan alle studente en personeel van die Universiteit. Vriendelike, opgeleide konsultante staan gereed om studente te ondersteun en raad te gee oor hulle skryfwerk. As jy byvoorbeeld nie aan die gang kan kom met 'n skryfopdrag nie, of bekommerd is dat jou idees nie so duidelik en vloeiend is nie, kan jy leiding by die Skryflaboratorium kry. Ons help jou om jou skryfvaardighede te ontwikkel en te verfyn, en dit lei beslis tot beter punte.

'n Konsultasiesessie is 50 minute lank, maar ons moedig jou aan om ook vir opvolgkonsultasies te kom totdat jy tevrede met jou skryfwerk is.

Ons doen nie redigering by die Skryflaboratorium nie, maar adviseer jou hoe om jou skryfwerk te verbeter. Ons streef daarna om jou toe te rus met skryfvaardighede wat jy in ander skryftake ook sal kan gebruik.

Konsultasies kan minstens 48 uur vooraf op KENAKO, die elektroniese afspraakstelsel, beskikbaar op MyMaties, bespreek word, of besoek gerus die Skryflab in Crozierstraat 22.

Kontak Anne-Mari Lackay of Vinelene Hartley vir meer inligting by 021 808 2989/2161 of amlackay@sun.ac.za / vhartley@sun.ac.za.

Vir meer inligting oor ander dienste besoek ons webwerf by http://www0.sun.ac.za/taalsentrum.