​​​​

‘n Groot verskeidenheid organiese en Afrika-eie kosmetiese en medisinale produkte word hier verkoop, sowel as ‘n uitgebreide versameling boeke, inheemse saad, natuurlike handgemaakte sepe, olies, rome en ander eko-vriendelike produkte. Ons gesondheidsprodukte sluit in produkte gemaak van bitteraalwyn (Aloe ferox), rooiwortel (Bulbine), smeerwortel (comfrey), rooibos, maroela, wilde-roosmaryn (Eriocephalus), wilde-als (Artemisia), wilde-aster (Helichrysum).

Ander besondere items is die inheemse likeurs, plaaslike organiese wyne en olyfprodukte, heuning, bonsai-gereedskap en bakke, balpuntpenne vervaardig uit inheemse hout en natuurlike veselmandjies.

Die winkel is daagliks oop van 09:00 tot 16:00.

Alle inkomste gegenereer uit verkope word gebruik om die aktiwiteite van die Botaniese Tuin te ondersteun. ​