Dr Antoinette van der Merwe
Senior Direkteur
Stel u belang om die leeromgewing van u studente te verryk of om te sien wat ander akademici in hierdie verband doen? Wil u u goeie praktykvoorbeelde met ander akademici deel? Wil u meer leer oor die professionele leer van akademici? Het u gehoor van al die nuwe tipe leertegnologieë, maar is miskien nie seker hoe 'n mens dit kan gebruik om die reikwydte en rykheid van leerervarings te verhoog? Of miskien wil u meer leer oor die ondersteuning van studente en personeel in 'n meertalige omgewing?
Indien u ja geantwoord het op enige van die bogenoemde vra, is u op die regte plek.
Hierdie afdeling werk in vennootskap met fakulteite om konteksspesifieke navorsingsgebaseerde antwoorde op hierdie tipe vrae te genereer en te deel. Kollegas van die Sentrum vir Onderrig en Leer, Taalsentrum en die Sentrum vir Leertegnologieë werk alreeds in noue samewerking met fakulteite en ons sal dus graag die gesprekke wil voortsit oor:
- Die verryking van die leer- en onderrigervaring van studente en akademici
- Professionele leer van akademici
- Die ontwikkeling, vestiging en deel van innoverende leer- en onderrigpraktyk
- Die bevordering van individuele sowel as institusionele meertaligheid
- Akademiese geletterdheid en taalleer aan hand van 'n verskeidenheid van benaderings
- Taaldienste soos vertaling, redigering en tolking
- Die gebruik van leertegnologieë om die reikwydte en rykheid van die leeraktiwiteite van beide residensiële en af-kampus studente te bevorder
Besoek gerus ons aanlynbronne en laat ons weet indien u enige spesifieke bronne wil byvoeg.
Moet asb nie huiwer om my (advdm@sun.ac.za / 021-8083075) of enige van die sentrums direk te kontak nie.
