Journalism
Welkom by Universiteit Stellenbosch

Welkom by die Departement Joernalistiek

Die Departement Joernalistiek is gerieflik op kampus gesetel in Protea Huis, 'n gerestoureerde Eduardiaanse gebou en nasionale monument. Dit bied aan studente 'n ongeëwenaarde milieu wat natuurskoon en atmosfeer betref waar hulle hul studies met ywer kan volg. 

Sedert die departement se ontstaan kry 'n stuk of twee dosyn aspirant-professionele mediawerkers met uiteenlopende akademiese en kulturele agtergronde die geleentheid om as deel van die honneursvlak BA Hons-graad vir 'n volle jaar 'n verskeidenheid praktiese joernalistieke vaardighede aan te leer, sowel as om aan die etiese, tegnologiese, bemarkings-, bestuurs-, sosiologiese en historiese basis van die media blootgestel te word. Al die aksie is in ons ultramoderne  anneks, die MEDIAFRIKA Sentrum, waar studente byna 24/7 in ’n gekonvergeerde multimedia nuuskantoor-omgewing werk. Hulle het self ’n graffiti-muur in hul koffiekroeg (waar, natuurlik, totale vryheid van spraak heers). 

Ons meestersprogram is ’n modulêre kursus wat werkende joernaliste die kans gee om ’n gevorderde nagraadse kwalifikasie te behaal, en ons PhD kan op ’n heeltydse basis deur die Graduate School​ gevolg word, of deeltyds.​​

Aansoeke vir 2018

Aansoeke vir die HonsBA Joernalistiek en MA Joernalistiek programme vir 2018 is nou oop. Klik hier vir meer inligting oor die aansoekprosedure.
Dit bly die kandidate se verantwoordelikheid om op te volg oor die status van hul aansoeke. 

Donderdag 31 Augusts: Aansoeke sluit
Maandag 4 September: Toelatingstoets and onderhoude in Johannesburg
Woensdag 6 September: Toelatingstoets by ander venues in Suid-Afrika (TBC)
Saterday 9 September: Toelatingstoets op Stellenbosch
Donderdag 21 en Vrydag 22 September: Onderhoude in Stellenbosch

Die name van suksesvolle kandidate sal ook op die webruimte gepubliseer word aan die begin van Oktober.

Vir meer inligting oor die HonsBA Joernalistiek klik hier.  Jy is ook welkom om die kursussamperoeper, Me Marenet Jordaan te kontak (marenet@sun.ac.za). 
Vir meer inligting oor die MA Joernalistiek klik hier. Jy is ook welkom om die kursussamperoeper, Dr Gawie Botma te kontak (gbotma@sun.ac.za).