AAD
Welkom by Universiteit Stellenbosch

61ste Akademiese Jaardag – 30 Augustus 2017  

 

Die Fakulteit Geneeskunde en Gesondheidswetenskappe bied vanjaar die 61ste Akademiese Jaardag aan op Woensdag 30 Augustus 2017. Dit beloof om 'n stimulerende program te wees en sal dien as toonvenster vir die nuutste navorsing deur studente en navorsers van die Tygerbergkampus.

Sewe verskillende parallelle sessies onder die volgende 7 temas word in aparte lesinglokale in die Fakulteit aangebied op die dag:

1) Aansteeklike Siektes

2) Nie-oordraagbare Siektes

3) Geestesgesondheid en Neurowetenskappe

4) Geweld, Beserings, Trauma en Rehabilitasie

5) Moeder en Kind Gesondheid

6) Gesondheidsisteme Versterking, en

7) Perioperatiewe Wetenskappe

 

Ons hoop dat hierdie temas sal verseker dat navorsers van oor dissiplinegrense heen sal saamkom om belangrike kwessies te bespreek rondom `n sentrale gesondheidsvraagstuk van groot belang vir Suid-Afrika en die res van die wereld.  Hierdie temas stem nie net ooreen met die Fakulteit se sterkste navorsingsareas nie, maar belyn ook sterk met die Nasionale Departement van Gesondheid se sogenaamde 'quadruple burden of disease', m.a.w. die groepe toestande wat die meeste bydra tot morbiditeit en mortaliteit in Suid-Afrika, sowel as ander areas van belang vir ons land. 

  1. Die plakkaatvoordragte word ook onder hierdie sewe temas gegroepeer.  Plakkate sal reeds beskikbaar wees vir besigtiging op die dag voor die Akademiese Jaardag (29 Augustus). Beoordeling van die plakkate sal op die oggend van 30 Augustus geskied.
  2. Elkeen van hierdie sessies sal spiespuntlesings (insluitende die AJ Brink Spiespuntlesing) deur kundiges uit die verskillende temagroepe insluit.
  3. Die Dekaan sal ook sy boodskap lewer en 'n eksterne gasspreker (naam sal bevestig word) sal die gaslesing aanbied.


Uitstallings:

Dit is van groot belang vir praktisyns om op hoogte te bly van beskikbare produkte en dienste vanuit die farmaseutiese industrie en ander geneeskunde-verwante maatskappye. Daarom sal relevante maatskappye die geleentheid kry om hul produkte in die gang voor die lokale te kan uitstal vir die duur van die dag.

Ons nooi u hartlik uit om nog 'n besondere geleentheid op die Fakulteit Geneeskunde en Gesondheidswetenskappe se jaarprogram by te woon.

Sien u daar!

Kliek hier vir dir Program

Program met een oogopslag​​

AJD Abstrak boek


Om te registreer en jou abstrak in te dien kliek hier


Om jou abstrak te wysig kliek hier


Om VPO punte vir Akademiese Jaardag te ontvang registreer hier OF skandeer die OR kode.

Volg die registrasie stappe en druk of stoor u unieke strepieskode kaartjie op u mobiele toestel.

Geen registrasie, geen VPO punte.