AAD
Welkom by Universiteit Stellenbosch

64ste AKADEMIESE JAARDAG

26 & 27 AUGUSTUS 2020 (middae)

​​​​​​​​​​​​S​luit by ons aan

Te midde van 'n wêreldwye gesondheidskrisis hou die Fakulteit Geneeskunde en Gesondheidswetenskappe van die Universiteit Stellenbosch die 64ste Akademiese Jaardag op 'n virtuele platform op die middae van Woensdag 26 Augustus en Donderdag 27 Augustus 2020.

Soos u weet, bevind ons ons tans in buitengewone omstandighede, 'n situasie waarin niemand van ons voorheen was nie. Na 'n paar maande van 'n nasionale grendeltyd as gevolg van die COVID-19-pandemie, raak personeel en studente stadig maar seker, sovêr moontlik in elkeen van ons eie unieke omstandighede, gewoond aan die nuwe norm van sosiale distansiëring en beperkings, afstandsonderrig en virtuele vergaderings. Ons voorsien nie dat hierdie situasie drasties sal verander oor die volgende paar maande nie, en ons voorsien nie dat groot vergaderings en byeenkomste in geslote lokale vir die res van die jaar vir ons moontlik sal wees nie. Eerder as om die geleentheid te kanselleer, het ons daarom besluit om hierdie jaar na 'n nuwe formaat vir die Akademiese Jaardag op 'n virtuele platform om te skakel. 

Die virtuele platform bied 'n unieke aanlyn vergaderlokaal waar alle deelnemers kan ontmoet, netwerk, kan saamwerk en geïnspireer kan word deur die uitstekende navorsing wat aan die Fakulteit Geneeskunde en Gesondheidswetenskappe gedoen is. 

Die fokustema vir die spiespuntvoordragte en gasspreker is die COVID-19-pandemie, maar alle ander aanbiedings wat deur personeel, nadoktorale genote en studente aangebied word, sal as plakkaataanbiedings aangebied word in die 7 tradisionele multidissiplinêre bane, naamlik:

  1. Aansteeklike siektes
  2. Nie-oordraagbare Siektes
  3. Geestesgesondheid en Neurowetenskappe
  4. Geweld, Beserings, Trauma en Rehabilitasie
  5. Moeder- en Kindgesondheid
  6. Gesondheidsisteme Versterking en Primêre Gesondheidsorg, en
  7. Perioperatiewe Wetenskappe​

Die gasspreker hierdie jaar is prof Madhukar Pai, internasionaal erkende epidemioloog en kenner van globale gesondheid. 

Ons hoop dat die tema vir die spiespuntvoordragte sal verseker dat navorsers van oor die dissiplinêre grense saamkom om belangrike kwessies rondom 'n sentrale gesondheidsvraag van groot belang vir Suid-Afrika en die res van die wêreld te bespreek. 

Ons nooi u uit om saam met ons deel te neem aan hierdie uitstaande geleentheid op die jaarlikse kalender van die Fakulteit Geneeskunde en Gesondheidswetenskappe. Ons vertrou dat dit steeds 'n unieke en leersame gebeurtenis sal wees en sien uit daarna om die dag saam met u onder hierdie buitengewone omstandighede deur te bring.

​Prof Nico van Gey van Pittius
Voorsitter (Visedekaan: Navorsing en Internasionalisering)​