Die Universiteit Stellenbosch se Regsdienste
spog met ’n splinternuwe webblad.
Volgens Gerhard Lipp, Senior Direkteur:
Regsdienste, was die vorige webblad “verouderd” en was dit tyd om dit te
verfris om die beduidende veranderinge en ontwikkelinge wat die afgelope paar
jaar plaasgevind het, maar nie op die ou webblad sigbaar was nie, uit te dra.
“Rolle en verantwoordelikhede is binne die
span bygevoeg en uitgebrei. Dit was tyd om ’n vars perspektief op Regsdienste
te bied en om weer die Universiteitsgemeenskap se aandag te vestig op die
dienste wat ons bied,” sê Lipp.
Regsdienste maak deel uit van die
Registrateursafdeling en bied regsadvies en ondersteuning aan studente (in beperkte
omstandighede), personeel en die bestuur van die Universiteit Stellenbosch, met
die uitsondering van die Afdelings Menslike Hulpbronne, Innovus en
Navorsingsontwikkeling, wat hul eie regspanne het.
Die nuwe webblad is daarop gemik om
duidelikheid oor die rolle en verantwoordelikhede van die Regsdienstespan,
kontakbesonderhede en basiese inligting en dokumentasie te verskaf.
Lipp sê die webblad en vestiging van die
webblad gaan met die verloop van tyd verder ontwikkel word en hulle hoop om die
webblad voortdurend by te werk om dokumente en inligting vir die relevante
belanghebbers toeganklik te maak.
Van die belangrike bygewerkte en nuwe
inligting en dokumente op die webblad sluit handige dokumente wat deur
belanghebbers vir hul gerief gebruik kan word, dissiplinêre kodes vir studente
en ’n video, ’n skedule van die dissiplinêre uitkomste vir studente en
prosesvereistes vir die nagaan en ondertekening van handelskontrakte.
Die nuwe webblad is toeganklik vir enige
student of personeellid van die Universiteit Stellenbosch. Sekere dokumente is
beveilig en indien studente of personeel toegang tot dit benodig, kan hulle
toegang versoek deur eenvoudig net die stappe wat op die skerm verskyn, te
volg.
Besoek die nuwe webblad hier: http://www.sun.ac.za/afrikaans/legal/Pages/default.aspx