US Onderriggenootskap 2021
Onderriggenootskappe aan die Universiteit Stellenbosch (US) is in 2009 daargestel met die doel om onder meer 'n geleentheid vir geselekteerde akademici te skep om hulle onderrigkundigheid te ontwikkel en die uitbreiding van die akademieskap van onderrig en leer aan die Universiteit te bevorder. Sedertdien het die US reeds 14 onderriggenootskappe befonds.
Die Universiteitskapasiteitsontwikkelingstoekennings (“UCDG") bied verdere befondsing vir een onderriggenootskap vanaf Januarie 2021. Die genootskappe bied uitnemende dosente en vakkundiges in onderrig en leer[1] die geleentheid om oor 'n volgehoue tydperk (een tot drie jaar), en met verskillende vorme van ondersteuning, op aspekte van kurrikulumvernuwing, die verkenning van onderrig en leer, en die verspreiding van goeie onderrig- en leerpraktyk in departemente en fakulteite te fokus.
Ontvangers van US onderriggenootskappe sluit in:
· Dr. Elize Archer (Sentrum vir Gesondheidsberoepe Onderwys, Fakulteit Geneeskunde en Gesondheidswetenskappe)
· Dr. Margaret Blackie (Departement Chemie en Polimeerwetenskap, Fakulteit Natuurwetenskappe)
· Prof. Elmarie Costandius (Departement Visuele Kunste, Fakulteit Lettere en Sosiale Wetenskappe)
· Dr. Marianne McKay (Departement Wingerd- en Wynkunde, Fakulteit AgriWetenskappe)
· Prof. Ian Nell (Departement Praktiese Teologie en Missiologie, Fakulteit Teologie)
· Prof. Geo Quinot (Departement Publieke Reg, Fakulteit Regsgeleerdheid)
· Prof. Ingrid Rewitzky (Vise-Dekaan: Leer en Onderrig, Fakulteit Natuurwetenskappe)
· Dr. Michael Schmeisser (Departement Hortologie, Fakulteit AgriWetenskappe)
· Dr. Marianne Unger (Afdeling Fisioterapie, Fakulteit Geneeskunde en Gesondheidswetenskappe)
Aansoeke vir die Onderriggenootskap 2021 word nou ingewag. Die sluitingsdatum vir aansoeke is 31 Oktober 2020.
Vir meer inligting, insluitende die bepalings van die genootskappe en die riglyne vir aansoeke, tree asseblief in verbinding met dr. Karin Cattell-Holden, kcattell@sun.ac.za.
[1] “[U]itnemende dosente en vakkundiges in onderrig en leer" verwys na dosente wat hul onderrigpraktyk navors, gegrond op opvoedkundige literatuur, en tot die kenniskorpus van onderrig en leer bydra deur die publikasie van hul bevindinge.
