​'n Kenmerk van instellings met 'n etos van uitnemendheid is dat hulle verskillende vlakke en vorme van erkenning vir uitmuntende prestasie bied. By die US gebeur dít onder andere deur ons jaarlikse Kanselierstoekennings vir personeellede. 

Dié gesogte toekennings verleen erkenning aan personeellede wie se loopbane van volgehoue uitnemendheid in navorsing, innovasie, leer en onderrig, sosiale impak en professionele dienste getuig. Geluk aan die ontvangers vir 2019! Hulle sal hulle toekennings by ons gradeplegtighede van 9 tot 13 Desember ontvang.