Die Kampus Gesondheidsdiens (KGD) hou die US-gemeenskap gesond. Verskeie dokters en verpleegsters is byderhand om na jou gesondheidsbehoeftes om te sien.
KGD bied 'n geïntegreerde en maklik toeganklike gesondheidsdiens waar US-studente en –personeel om hulp kan aanklop vir 'n reeks gesondheidskwessies. KGD fokus hoofsaaklik op die volgende vyf gesondheidsorgareas, te wete huisartskunde, gesondheidsbevordering en voorkomende sorg, sport- en oefeninggeneeskunde, beroepsgesondheid en fisioterapie.
Wanneer jy 'n dokter wil raadpleeg, kan jy 'n telefoniese of persoonlike afspraak maak. KGD is daagliks van Maandag tot Vrydag oop van 08:00 tot 17:00, insluitende Universiteitsvakansies.
KGD het twee takke, geleë in Claassenstraat op die Stellenbosch-kampus (tussen die koshuise Metanoia en Heemstede) en in die studentesentrum op die Tygerberg-kampus.
KGD beskik ook oor 'n Fisiokliniek wat op Coetzenburg langs die Universiteitsgimnasium geleë is.
Vir nadere besonderhede oor die KGD, klik hier.