Skrywe aan US-personeel (6 April 2023):
Verlede Vrydag (31 March 2023) in ’n skrywe is personeel ingelig oor
die Rektor wat ingevolge die Universiteit Stellenbosch (US) se Toelatingsbeleid
sy diskresie gebruik het. Hierdie is ’n opvolgskrywe. Die Rektor het die
Uitvoerende Komitee van die Raad (UKR) se aandag daarop gevestig dat hy ook
ingevolge dieselfde beleid en die riglyne vir diskresionêre plasings sy diskresie
gebruik het om ’n ander familielid in ’n program by die US te plaas.
Die US volg ’n duidelik-gedefinieerde toelatingsbeleid en het sedert 2018
riglyne in werking gestel om die Rektor se diskresionêre plasings te lei. Die
benadering tot diskresionêre plasings word tans hersien om enige moontlike
tekortkominge aan te spreek.
Die Rektor het aangedui dat hoewel hy te goeder trou en in ooreenstemming met
die huidige riglyne opgetree het, hy spyt is oor die beroering wat die
gepubliseerde voorval veroorsaak het.
Hierdie aangeleentheid sal op die agenda van die komende Raadsvergadering
verskyn wat op Maandag 17 April 2023 gehou word. Die ontleding van die Rektor
se diskresionêre plasings sal onder ferm leiding van die UKR plaasvind en sal
deeglik bespreek word by die Raadsvergadering sodat die Raad op ’n aangewese
pad vorentoe kan ooreenkom.
Die US is as ’n hoëronderwysinrigting van wêreldgehalte ’n nasionale bate met
’n globale reikwydte. Die Universiteit se studente en personeel is van die
beste wat daar in en vir Suid-Afrika te vinde is. Die akademiese integriteit
van ons instelling, die gehalte van ons kwalifikasies en navorsing, en die
handhawing van praktiese en behoorlike administratiewe oorsigbestuur is van die
uiterste belang vir die US. Ons verwelkom die geleentheid vir noukeurige
ondersoek en besinning ten einde die hoë standaarde te handhaaf waarvoor ons
bekend is en om gebiede aan te spreek waar daar ruimte vir moontlike
verbetering is.