Vandag vier ons wêreldtelekommunikasie- en inligtingsamelewingsdag (WTISD), om bewustheid te verhoog van die moontlikhede wat die gebruik van die internet en ander inligting- en kommunikasietegnologie (IKT) vir samelewings en ekonomieë kan bring en maniere om die digitale kloof te oorbrug. Vandag is die herdenking van die ondertekening van die eerste Internasionale Telegraafkonvensie in 1865 en die skep van die Internasionale Telekommunikasie Unie (ITU) in 1969. Die fokus vanjaar is Digitale tegnologieë vir ouer persone en gesonde veroudering.
Die veroudering van die wêreldbevolking sal die bepalende demografiese neiging van die 21ste eeu wees – tog sukkel ons samelewings om die geleenthede raak te sien wat hierdie tendens kan ontvou, skryf Joe Smith, Universiteit Stellenbosch se Direkteur: IT infrastruktuur.
“Telekommunikasie- en inligtingskommunikasietegnologie (IKT) het 'n rol om te speel in die bereiking van gesonder veroudering en om mense te help om slimmer stede te bou, ouderdomsgebaseerde diskriminasie by die werkplek te bekamp, die finansiële insluiting van ouer persone te verseker en miljoene versorgers regoor die wêreld te ondersteun. Vanjaar se tema verhoog bewustheid van die kritieke rol van telekommunikasie/IKT om mense te help om gesond, verbind en onafhanklik te bly - fisies, emosioneel en finansieel. Ondersteuning van 'n gesonde verouderende lewe is ook noodsaaklik vir die volhoubaarheid van ekonomiese en gesondheidstelsels. Die Internasionale Telekommunikasie Union (ITU) hoop om inisiatiewe te bevorder om digitale tegnologieë vir ouer persone en gesonde veroudering te versnel om by te dra tot die VN se Dekade van Gesonde Veroudering.
Wat doen IT by die US?
US-personeel wat tydens aktiewe diens aan die Universiteit Stellenbosch Aftreefonds behoort en besluit om hul werknemervoordele ná aftrede voort te sit, mag die gebruik van hul @sun.ac.za-e-posadresse behou sodra hulle afgetree het. Dit gee toegang tot verskeie Universiteitstelsels soos die biblioteek en alle inligting wat deur die biblioteekportaal beskikbaar is. Aanlyn leer is beskikbaar by https://support.microsoft.com/en-us/training . Dit stel personeel en studente van alle ouderdomme in staat om aan te hou leer soos tegnologie ontwikkel.
Smith sê: "Ons ondersteun lewenslange leer sterk om studente, personeel en pensioenarisse in staat te stel om die digitale transformasiereis aan te pak. Internet op kampus is in oorvloed beskikbaar om studente en personeel in staat te stel om toegang tot leermateriaal en aanlynkursusse wat op die internet beskikbaar is, te verkry. In baie gevalle is hierdie aanlyn leerhulpbronne gratis beskikbaar."
Verwysing: World Telecommunication and Information Society Day | United Nations
