Universiteit Stellenbosch
Welkom by Universiteit Stellenbosch
Elsabe Daneel Kommunikasiewerkswinkel 2022
Outeur: Claudia Swart
Gepubliseer: 23/05/2022

ELSABÉ DANEEL KOMMUNIKASIEWERKSWINKELS

Elsabé Daneel is ʼn bekende televisie-aanbieder, televisie- en rolprentaktrise en toneelspeler, en regisseur van talle teaterproduksies. Sy is ʼn produksieleier, regisseur en aanbieder van korporatiewe video's asook dokumentêre programme vir kykNET en M-Net.

As kommunikasie- en mediastrateeg bied sy kommunikasiewerkswinkels getiteld Communication IQ aan. Hierdie prettige en praktiese werkswinkels in kommunikasie- en projeksievaardighede is gerig op korporatiewe kliënte, televisie- en radio-aanbieders, akteurs, openbare sprekers, opvoeders, studente, akademiese personeel, en so meer.

Elsabé gaan in 2022 twee kommunikasiewerkswinkels vir akademiese (doserende) personeel van die Universiteit Stellenbosch aanbied.  Sien asseblief die besonderhede onder.

Deelnemers kan na die volgende onderwerpe uitsien:
 
·            Begrip van kommunikasie-jargon
·            Ontdek die ABC van die kommunikasieproses
·            Evalueer jou sterk en swakker punte as ʼn kommunikeerder
·            Hoe om kommunikasiemodelle vir jou te laat werk
·            Ontdek die tegniese aspekte wat die kommunikasieproses beïnvloed
·            Die rol van persoonlike styl
·            Die belang van liggaamstaal
·            Eksperimenteer met vokalisering
·            Ontspanningstegnieke wat werk
·            Hoe om jou mondelinge boodskap te verpak
·            Die vestiging van goeie verstandhoudings
·            Die dinamika van kommunikasie
·            Wenke vir uiters doeltreffende kommunikeerders
·            Die gebruik van tegnologie in die klaskamer as deel van die 'omgekeerde klaskamermetode'
·            Doeltreffende kommunikasie in aanlyn lesings.

Wanneer:

3 Augustus 2022 (reeds voltooi)
25 Oktober 2022 (vol bespreek, kan op waglys geplaas word)

Tyd:
13:00 tot 17:00
 
Waar:
Den Bosch, Victoriastraat 39 (oorkant Skuilhoek en agter die Konservatorium)
 
Daar is slegs 10 plekke per werkswinkel beskikbaar.
 
Skakel met Lucinda Lucks (llucks@sun.ac.za) om jou plek te bespreek.