Universiteit Stellenbosch
Welkom by Universiteit Stellenbosch
Inligting oor die nuwe koronavirus
Outeur: Corporate Communication / Korporatiewe Kommunikasie
Gepubliseer: 07/02/2020

Duisende mense – die meeste in China – het reeds die nuwe 2019-koronavirus (2019-nCoV) opgedoen (volg die World Health Organisation (WHO)-skakel) en dit is deur die Wêreldgesondheidsorganisasie (WGO) tot 'n wêreldwye gesondheidskrisis verklaar. Ongelukkig het fopnuus en wilde gerugte vrees en verwarring gesaai.

In die belang van 'n ingeligte samelewing, wat die beste vorm van voorkoming is, neem asb kennis van die volgende: 

  • ​Daar bestaan tans (7 Februarie 2020) geen risiko om die nuwe 2019-koronavirus in Suid-Afrika op te doen nie, aangesien daar nog geen gevalle in die land aangemeld is nie.  
  • Die Universiteit hou die situasie fyn dop en hierdie artikel sal bygewerk word sodra nuwe inligting beskikbaar word.
  • Personeel en studente word aangeraai om reisplanne na gebiede wat deur die uitbreking geraak is, te heroorweeg. (As 'n voorkomende maatreël is Universiteit Stellenbosch Internasionaal besig om met studente en personeel afkomstig uit geraakte gebied in verbinding te tree)
  • Indien jy siek voel en die afgelope paar weke na China gereis het, of in aanraking was met iemand wat daar was, moet jy dringend mediese hulp soek. Dui jou blootstelling en simptome duidelik aan.
  • Personeel en studente kan die Kampusgesondheidsdiens op die Stellenbosse of Tygerberg-kampus besoek of die noodnommer 010 205 3032 te skakel.
  • Bemagtig jouself deur inligting oor die virus op die relevante WGO-webwerf en die Fakulteit Geneeskunde en Gesondheidswetenskappe se inligtingsbladsy (sluit 'n potgooi in) te bekom.
MEER OOR DIE NUWE 2019-KORONAVIRUS:
  • Die koronavirus-familie van virusse sluit in die gewone verkoue, SARS en MERS insluit. Die nuwe virus is tydelik as “2019-nCoV" gedoop en daar word dikwels na dit as die nuwe koronavirus verwys (vir meer inligting oor die virus, klik hier).
  • Aangesien nuwe navorsing oor die nuwe koronavirus steeds na vore kom, word daar vermoed dat dit van mens tot mens oorgedra word deur respiratoriese druppels wat vrygestel word wanneer 'n besmette persoon hoes of nies – soortgelyk aan die manier waarop griep- en ander respiratoriese siektekieme versprei. Simptomatiese pasiënte loop die grootste risiko om die virus oor te dra, maar daar is ook onbevestigde berigte oor oordrag wat gedurende die inkubasietydperk plaasgevind het.
  • Pasiënte wat 2019-nCoV onder lede het, toon hoofsaaklik die volgende simptome: koors, hoes en asemnood.
  • Die infeksie kan as 'n redelike ligte respiratoriese siekte voorkom, maar in erge gevalle kan dit selfs tot longontsteking lei of dodelik wees. Veral bejaardes en mense wat reeds 'n siekte onder lede het, het 'n hoër risiko om ernstig siek te word of selfs te sterf. Dit is nog onbekend of simptoomlose infeksies ook voorkom.
  • Daar bestaan tans (7 Februarie 2020) geen risiko om die 2019-koronavirus in Suid-Afrika op te doen nie, aangesien daar nog geen gevalle in die land aangemeld is nie. Moontlike vermoedelike gevalle (soos deur die Nasionale Instituut vir Oordraagbare siektes gedefinieer) word getoets en pasiënte word in voorkomende isolasie geplaas. Sulke gevalle toon dat die stelsel doeltreffend werk, en moenie as 'n mislukking misverstaan word nie.
  • Hoewel daar tot op hede nog geen nodigheid was om dit teen die nuwe 2019-koronavirus te gebruik nie, kan algemene higiëne-gewoontes jou risiko om die virus op te doen of om 'n reeks infeksies wat op dieselfde manier na ander versprei word, voorkom.
    • Was jou hande gereeld deur ontsmettingsmiddels vir hande met 'n alkoholbasis of seep en water te gebruik.
    • Was jou klere gereeld met ontsmettingsmiddels vir hande met 'n alkoholbasis of seep en water.
    • Bedek jou mond met 'n doek of jou elmboog wanneer jy hoes of nies.
    • Bly in die bed indien jy koors of 'n hoes ontwikkel. 
More information

  Grafika: Centres for Disease Control and Prevention (link for information)