Terwyl die meeste onderwysers nog met vakansie was, het die studente tweede kohorte van die verskillende Gevorderde Diplomas in Opvoeding (ADE's), in die Wes- en Noord-Kaap, van 6 - 10 Januarie bymekaar gekom vir hul eerste kontaksessies van die nuwe jaar.

Na die suksesvolle voltooiing van hul eerste jaar, en aangespoor deur die graduering​ van die eerste kohort in Desember 2019, het die ADE-studente in Noord-Kaap en Wes-Kaap hul tweede jaar met selfvertroue en entoesiasme begin. In die Wes-Kaap het die ADE-studente by die Kaapse Instituut vir Onderrig en Leierskap (CTLI) vergader. Die studentekohorte in die Wes-Kaap, bestaan uit 25 IF-wiskunde-onderwysers en 21 SF-natuurwetenskaponderwysers, uit alle onderwysdistrikte. In die Noord-Kaap is die ADE-studente by die Curro Kathu Onafhanklike-skool aangebied. Die Noord-Kaapse kohorte bestaan uit 23 VOO-wiskunde, 31 SF-wiskunde- en 26 SF-natuurwetenskaponderwysers, gewerf uit die JTG- en ZFM-onderwysdistrikte in die Noord-Kaap en uit die Thabazimbi munisipale distrik in Limpopo.

Hulle het met groot verwagting vir die komende week en opgewondenheid om mekaar weer te sien, bymekaar gekom. Onderwysers was gereed en oop om blootgestel te word aan nuwe konsepte en nuwe pedagogiese strategieë. Ondanks die vroeë begin van die jaar, was die bywoning vir die Januarie 2020-kontaksessie in die Noord- en Wes-Kaap bykans 100%. Die studente het bygedra tot besprekings en het goed saamgewerk in hul groepe; hulle was ook aktief betrokke by hul eie leer en het in diepte oor hul eie onderwyserpraktyk reflekteer.

Die inhoud wat behandel is, was nou gekoppel aan hul KABV kurrikulum pasaangeër, en baie tyd is spandeer aan die beplanning en voorbereiding van die inhoud vir onderrig. Die volgende kontaksessie is geskeduleer vir die skoolvakansies in Maart 2020 en Junie 2020, met die graduering van die suksesvolle kandidate wat vir Desember 2020 beoog word.