Universiteit Stellenbosch
Welkom by Universiteit Stellenbosch
Mandela Dag 2019
Outeur: Thukela Bekwa
Gepubliseer: 26/07/2019

Die Universiteit van Stellenbosch se Sentrum vir Leertegnologieë (SLT) het die Siyanqoba dagsorg, wat geleë is in die hart van Kayamandi township, destyds in 2016 onder sy vlerk geneem. Die verhouding het oor die laaste drie jaar geweldig gegroei en die SLT was saam met die kinders vir 'n reeks jaarlikse gebeurtenisse soos Paasfees partytjies, Mandela Dae en Kersfees partytjies.

Een van die hoogtepunte was die vervanging van die sinkplaatstruktuur wat hulle gehad het met 'n veiliger en warmer houtstruktuur, alles onder die waaksame oog van die SLT Bedryfsbestuurder, Ms Zainab Suliman. Die dagsorg behuis ongeveer 55 kinders en nie net kry hulle maandelikse voorraad en skryfbehoeftes van SLT nie, maar hulle kry ook 'n dosis liefde en sorg van die hele span.

Hierdie jaar se 10de Mandela Dag aktiwiteite is gehou by die PlayZone in Durbanville. Die kinders is onthaal met ʼn heerlike ete, gesigverwery, en het ʼn wonderlike tyd beleef in die plesierritafdelings. Dit was definitief meer as 67 minute, en... ʼn dag om te onthou!