Nagraadse studente in die Departement Fisiologiese
Wetenskappe het met drie toekennings weggeloop tydens die
mikroskopie-konferensie wat in Desember 2016 deur die Mikroskopie Vereniging
van Suider-Afrika aangebied is.
MSc-student Jurgen Kriel het die Wirsam wetenskap-toekenning
vir die beste studente-aanbieding in die lewenswetenskappe ontvang; Phd-student
Dumisile Lumkwana het die Wirsam ligte mikroskopie-toekenning vir die beste
aanbieding ontvang; en Yigael Powrie het weggeloop met die SA wetenskap-toekenning vir die beste aanbieding in konfokale mikroskopie vir sy
MSc-navorsing.
Dr Ben Loos, die studente se studieleier en hoof van die
neuro-navorsingsgroep in die departement, sê die studente moes almal
innoverende mikroskopie tegnieke toepas om moeilike navorsingsvrae rondom
Alzheimer siekte en seldood, asook breinkanker, te ontrafel.
“Dit is ’n wonderlike prestasie en erkenning vir die harde
en uitstekende werk wat in hierdie navorsingsgroep gedoen word,” sê hy.
Op die foto's bo: 'n beeld van Dumisile Lumkwana se navorsing oor seldood en Alzheimer se siekte. Van links na regs, Jurgen Kriel, Dumisile Lumkwana en Yigael Powrie.