Die
nuwe uitvoerende komitee van die Nadoktorale Genote Vereniging by Stellenbosch
University vir 2017 is tydens die vereniging se sesde jaarlikse
navorsingsimposium, wat op 27 Oktober 2016 by Lanzerac Wynlandgoed aangebied
is, aangekondig.
Dr
Romina Henriques, ’n nadoktoral genoot in die Departement Plant- en Dierkunde,
is die nuwe voorsitter, met dr. Natasha Mothapo, ook van Plant- en Dierkunde,
as ondervoorsitter.
Die
ander nuutverkose lede is: Dr Anslyn John (sekretaris) en dr. Daniel Nickelsen
(tesourier), beide nadoktorale genote by die Nasionale Instituut vir Teoretiese
Fisika (NITHeP), dr. Zarko Krkleljas, van die Departement Sportwetenskappe
(funksiekoordineerder) en dr. Charl Swart, n nadoktorale genoot in politieke
wetenskappe by the Sentrum vir Navorsing oor die Evaluering, Wetenskap en
Tegnologie (CREST) as beleidskoordineerder.
Die uitgaande voorsitter, Dr Jacobus Diener, het tydens sy voordrag gesê die
2016 komitee het aansienlik gevorder in hul poging om meer formele beleidsriglyne
en prosedures in plek te stel om die doelwitte van die US se program vir
nadoktorale genote te definieer.
“In
2002 het die US slegs 43 postdoktorale genote geakkommodeer, en die meeste van
hulle was afkomstig uit ander lande. Tans het die US 292 genote. Dit beteken
die groep nadoktorale genote is reeds meer as ’n kwart van die bestaande
onderrig- en navorsingspersoneel.”
Hy
sê die hersiende beleid probeer om nadoktorale genote van ander nagraadse
studente en akademiese personeel te onderskei.
Die
gewysigde beleid word tans deur die Senaat oorweeg vir aanvaarding.
Dr.
Henriques, die nuwe voorsitter, sê 2017 se groep nadoktorale genote gaan selfs
meer wees as vanjaar: “Ons sien uit daarna om saam met die Afdeling:
Navorsingsontwikkeling en prof. Eugene Cloete te werk om die gewysigde beleid
in plek te kry en om te verseker dat die nadoktorale genote se ervaring by die
US die beste moontlike is.”