Welcome
Welkom by Universiteit Stellenbosch
​​​online onboarding.jpg

​MAAK GEREED AS 'N EERSTEJAAR BY DIE US​! ​
​​​

Die Universiteit Stellenbosch bied in Februarie 2021 'n aanlyn aanboordprogram vir alle eerstejaars wat voorlopige toelating gekry het. Alles wat jy moet weet oor die US en jou fakulteit, kan jy hier met 'n klik of twee kry! Neem asseblief kennis dat toelating tot hierdie program nie beteken jy is aanvaar as 'n student by die US nie.  ​

Die program is op SUNLearn (die Universiteit se leerbestuurstelsel) beskikbaar vanaf 1 Februarie 2021.​ Dit is hier waar jy as student baie tyd gaan spandeer, en gevolglik is dit 'n effektiewe manier om jou met die platform vertroud te maak. Die volgende onderwerpe (behalwe vir die fakulteit-spesifieke inligting) word verduidelik:
 
Maak die beste van jou 24 uur (tydsbestuur)
Geniet 'n opwindende universiteitslewe (sukses en welstand)
Met die gety saam (stresbestuur)
Munt uit in jou studie (eksamen- en studievaardighede)
Geldsake (finansiële geletterdheid)
Lees soos 'n kenner (akademiese leeswerk)
Wees die beste student wat jy kan wees (I-FlourishWell4Life-program)
 
In 'n uitgebreide vraag‑en‑antwoord‑afdeling gaan jy antwoorde op vele van jou vrae oor die US vind en selfs jou eie vrae kan plaas. Video's van studente wat vertel hoe hulle die universiteitslewe beleef, 'n virtuele kampustoer, e​n inligting oor beskikbare steun is maklik bekombaar. Jy sal ook kan kennis maak met van die ​mentors by US. 

Vir 'n optimale SUNLearn-leerervaring, stel ons voor dat jy Google Chrome gebruik​.

Klik hier (https://rebrand.ly/onboardingsu) om toegang tot die program te verkry.

Meld aan met jou gebruikersnaam  (NET jou studentenommer) en die wagwoord (byvoorbeeld:  SUN123456) wat jy gebruik om jou aansoekstatus te monitor.​ Kontak gerus help@sun.ac.za​ indien jy hulp hiermee benodig. Indien jy enige hulp nodig het met jou wagwoord, besoek asseblief:  http://www.sun.ac.za/password

Indien jy enige vrae oor die aanboordprogram het, stuur 'n e-pos na:  onboardingsu@sun.ac.za.​