Die Universiteit Stellenbosch sal van Maandag 27 Maart tot Vrydag 31 Maart 2023 sy gradeplegtighede aanbied.
Gradeweek is ’n hoogtepunt op ons akademiese kalender. Gedurende dié week sal die Universiteit weer sertifikate, diplomas en grade, eredoktorsgrade en ’n Kanselierstoekenning verleen.
Die plegtighede vind by die Coetzenburg-atletiekstadion op Stellenbosch plaas.
Klik hier om die gradeplegtigheidsvrywaring te lees.
* Aangesien ons gradeplegtighede met die maand van Ramadan saamval, het die Universiteit vir ons Moslem-graduandi en hulle familielede wat die laatmiddag-plegtighede bywoon, ’n gebedskamer vir die Maghrib-gebede beskikbaar gestel. Ablusiegeriewe is binne loopafstand van die gebedskamer beskikbaar. Ons vra ons Moslem-gemeenskap om hulle eie gebedsmatte saam te bring.
