​​​​​​​​​​​​​​​​​​​​​​​​​Die werksaamhede van die Universiteit word gerig deur die Wet op Hoër Onderwys (Wet 101 van 1997) en die Statuut van die Universiteit Stellenbosch (US) (2019). Die Statuut omskryf die rol van die Universiteit se ampsdraers, statutêre liggame en institusionele bestuurstrukture.

Ampsdraers

Die Kanselier is die seremoniële of titulêre hoof van die Universiteit. Die Rektor, wat die hoof-uitvoerende​ beampte van die Universiteit is, is ook die Visekanselier. Die viserektore en die Registrateur is ook ampsdraers. Die Kanselier, die Visekanselier en viserektore kan grade toeken.

Bestuurstrukt​ure

Die Rektoraat is verantwoordelik vir die dag-tot-dag operasionele bestuur van die Universiteit. Die Rektoraat bestaan wesenlik uit die Rektor, Bedryfshoof en viserektore, wat verantwoordelik is vir die kernfunksies van die instelling. Die viserektore is onderskeidelik verantwoordelik vir Leer en Onderrig; Navorsing, Innovasieen Nagraadse Studies; Sosiale Impak, Transformasie en Personeel; asook Strategie, Globale en Korporatiewe Sake​. Die Registrateur sien toe dat die akademiese administrasie van die Universiteit vlot verloop. Die Rektor kan volgens behoefte senior personeel benoem om die vergaderings van die Rektoraat by te woon en die werksaamhede van die Rektoraat te ondersteun. Die Algemene Bestuurdersvergadering (ABV) bestaan uit die lede van die Rektoraat, die dekane van die tien fakulteite, die Registrateur asook hoof- en senior direkteure van die onderskeie steundiensafdelings. Sake van akademiese en administratiewe belang word deur die ABV bespreek en die lede vervul ook 'n adviserende rol vir die Rektoraat.

​

Bestuurspan Rektoraat

​

Dekane​​​

Hoofdirekteure​​​​

​Senior Direkteure​​