'n Festschrift met die titel "Reading Writing Right: Essays presented in honour of Prof Elna Mouton" is op Donderdagmiddag 18 Oktober aan haar oorhandig. Die oorhandigingsgeleentheid het by die Teologie Fakulteit plaasgevind, en is hoofsaaklik deur die mede-outeurs en skenkers bygewoon. Prof Mouton het einde 2017 as professor in Nuwe Testament studies by Univesriteit Stellenbosch afgetree. In 'n versameling van opstelle, vereer voormalige studente, kollegas en vriende van prof Elna Mouton haar lewens-, loopbaan- en wetenskaplike bydraes oor dekades, insluitende 17½ jaar aan die Universiteit Stellenbosch. Die verskillende opstelle speel in op prof Mouton se besorgdheid oor Bybelse hermeneutiek, etiek en die interaksies en verbindings tussen die twee, en illustreer veral die wydte en verskeidenheid van belangstelling wat haar werk gestimuleer het en wat dit beïnvloed het. Die volume is geredigeer deur Proff Jeremy Punt en Marius J Nel, haar twee kollegas in Nuwe Testamentiese studies aan die Universiteit Stellenbosch ten tyde van haar aftrede.

Proff Jeremy Punt; Nico Koopman (Vise-Rektor), Elna Mouton en Marius J Nel

Fotograaf: Anton Jordaan