Die Afdeling
Sosiale Impak bestuur ’n matriekprogram vir volwassenes wat nie matriek op
skool geslaag het nie en ouer is as 21. Dit is bekend as die Senior Sertifikaat
en is soortgelyk aan die Nasionale Senior Sertifikaat. Honderde mense in die
gemeenskappe in en om Stellenbosch besit nie ’n matrieksertifikaat nie, wat
verhoed dat hulle werk kry, verder studeer of in hulle huidige werk vorder.
Altesaam 89
leerders het die eksamen in 2017 afgelê, en dubbel soveel inskrywings (170) is
vir die siklus 2017/18 ontvang. Ingevolge ’n samewerkingsooreenkoms met die
WCCETC (die Wes-Kaapse gemeenskapsonderwys-en-opleidingskollege) van die
Departement van Hoër Onderwys en Opleiding bied die WCCETC ses vakke aan. Hulle
betaal onderwysers om die klasse weekliks in die Lückhoff-skoolgebou in Banghoekweg,
Stellenbosch, aan te bied.
Ons het egter
tans ’n aantal leerders wat twee uur onderrig per week vereis in die vakke in
die tabel hieronder om die eksamen in Junie 2018 te kan slaag.
Die klasse sal ’n
aanvang neem sodra ’n onderwyser beskikbaar is. Ons is op soek na dosente en
nagraadse studente wat bereid is om die vakke hierbo aan te bied vanaf 1 April
2018 tot 31 Mei 2018, vir TWEE uur per week, elke week van die maand,
buiten reses. Vakmateriaal, vorige eksamenvraestelle en ’n kurrikulum sal
voorsien word. Ons doen 'n beroep op Fisiese
Wetenskappe en Wiskunde-vrywilligers. Onderwysers sal ook terugbetaal
word vir fotostate, of krediete sal op hulle US-personeelkaarte gelaai word. Ongelukkig
is geen betaling beskikbaar nie, maar onderwysers sal ’n klein weeklikse
toelaag ontvang vir vervoer- of ander koste waaroor daar ooreengekom is.
Klasse
vind plaas in die Lückhoff-skoolgebou, maar kleiner klasse kan aangebied word
op ’n plek wat die bepaalde onderwyser pas. Ons doen dus ’n beroep op
personeellede wat vaardig is in die gelyste vakke hierbo om twee uur per week
aandklasse aan te bied.
As u daarin belang stel om ons met hierdie
verdienstelike saak te help, kontak Grace Bruintjies gerus by graceb@sun.ac.za of 021 808 3640.