Tydens
die onderhandeling tussen die Vakbonde en die Universiteit Stellenbosch
gedurende 2016 insake inkontraktering en uitkontraktering, het die
partye ooreengekom op 'n proses van Lewensvatbare Voorsiening.
Lewensvatbare Voorsiening word gedefinieer as die sisteem en proses
waardeur die Universiteit op ʼn deursigtige manier, inaggenome die
insette van belangegroepe, besluit op die mees geskikte metode vir die
verskaffing van essensiële dienste aan die Universiteit. Die
Universiteit Stellenbosch is verbind tot ʼn proses van Lewensvatbare
Voorsiening wanneer 'n essensiële dienskontrak hernu moet word of
wanneer 'n behoefte vir 'n nuwe diens ontstaan .
Stellenbosch
Universiteit begin hiermee die proses om die mees lewensvatbare
voorsiening vir skoonmaakdienste op die kampus te Worcester te verkry.
As deel van die Lewensvatbare Voorsieningsproses word insette verlang
van belangegroepe of enige partye wat moontlik geraak kan word deur die
voorsiening. Persone wat persoonlik wil insette lewer, word versoek om
geskrewe voorleggings aan Liezl Cilliers, Senior Aankoper, via e-pos by
liezlc@sun.ac.za te stuur of om voorleggings aan haar by afdeling
Aankope & Voorsieningsdienste (Merrimanlaan) in te dien teen 10
Oktober 2017. Mense wat persoonlik insette wil lewer moet asseblief so
aandui, en kontakbesonderhede verskaf. Hierdie voorleggings sal deel
vorm van die evaluering van die Lewensvatbare Voorsieningsopsies.
Ten
einde lewensvatbare opsies te vergelyk sal 'n versoek om voorstelle
uitgereik word aan Skoonmaakmaatskappye. Die diens wat benodig word is
vir skoonmaak van die akademiese en koshuisfasiliteite op die kampus.
Hierdie fasiliteite bestaan uit:
Kantore, klaskamers en Woonstelle
Meganiese Ruimtes
Sentrale rekenaar -en stoorruimtes
Voedsel fasiliteit
Sitkamers, ontspannings -en vergaderruimtes
Slaap-/studieareas
Kleedkamers
Die volgende aktiwiteite sal met verskillende frekwensies binne bogenoemde ruimtes benodig word:
- Skoonmaak, afstof, stofsuig en ontsmetting van alle toerusting en bogenoemde areas
- Afstroop, poleer en seël van vinielvloere
- Vee van toegangstrappe
- Vervang toiletpapier, handdoeke en seep
- Was en skoonmaak van vensters buite / binne
Die voorstelle sal op grond van die volgende kriteria beoordeel word:
- Volhoubaarheid van voorstel
- Bewese menswaardigheids protokolle en bestuurspraktyke toegepas in die bestuur van menslike hulpbronne
- BBSEB gradering
- Verwysings van minstens 5 huidige kliënte
- Waarde Toevoeging
- Maak en Tipe toerusting
- Metodologie in terme van:
- Bestuurskontroles
- Kommunikasiestelsels
- Bestuur van veiligheidsaspekte (OHSA)
- Gehaltebeheerstelsels
- Manier waarop sensitiewe areas bestuur word
- Hoe word kliëntetevredenheid bereik en gewaarborg
- Beskerming van bates
- Voorkomende aksies
- Rapportering van onderhoudsprobleme