Fonds vir Innovasie en Navorsing in Leer en Onderrig (FINLO)
In ooreenstemming met sy Leer-en-onderrig-beleid (
LEER-EN-ONDERRIGBELEID.pdf ), het die Universiteit Stellenbosch die Fonds vir Innovasie en Navorsing in Leer en Onderrig (FINLO) in 2005 opgestel ten einde 'n kultuur van innovering en besinning oor onderrig en leer by die Universiteit aan te moedig. Die Fonds verskaf 'n geleentheid vir dosente om te innoveer, doeltreffende praktyke en prosesse te evalueer, en onderrig-en-leer-probleme, ‑oplossings en -prosesse te ondersoek. Dit bied ook 'n meganisme vir die beskikbaarstelling van resultate wat ontwerp is om die gehalte van onderrig en leer te verbeter. Enige dosent, dosentespan of sentrum verantwoordelik vir onderrig en leer kan vir 'n toekenning aansoek doen.
FINLO-toekennings word twee maal 'n jaar deur 'n subkomitee van die Komitee vir Leer en Onderrig gemaak. Aansoeke word tot 'n maksimum bedrag van R45 000 befonds. Alle aansoeke word oorweeg deur die FINLO-komitee, wat uit die volgende lede bestaan:
- Dr Faaiz Gierdien, Kurrikulumstudie, Fakulteit Opvoedkunde, faaiz@sun.ac.za
- Dr Taryn Bernard, Lettere en Sosiale Wetenskappe, tbernard@sun.ac.za
- Dr Margaret Blackie, Chemie en Polimeerwetenskap, Fakulteit Natuurwetenskappe, mblackie@sun.ac.za
- Dr Nicoline Herman, Adjunkdirekteur: Sentrum vir Onderrig en Leer, nherman@sun.ac.za
- Dr JP Bosman, Hoof: Sentrum vir Leertegnologieë, jpbosman@sun.ac.za
- Prof Susan van Schalkwyk, Direkteur: Sentrum vir Gesondheidsberoepeonderwys, Fakulteit Geneeskunde en Gesondheidswetenskappe, scvs@sun.ac.za
- Mev Jean Farmer, Adviseur: Sentrum vir Onderrig en Leer/ Sentrum vir Gesondheidsberoepeonderwys, jeanlee@sun.ac.za.
Sluitingsdatums vir hierdie jaar se aansoeke: 25 Mei en 9 November 2018.
Vir meer inligting, stuur 'n e-pos na finlo@sun.ac.za of skakel Jean Farmer by 021 808 2956 / 021 938 9832.
