​Om te verstaan wat gendergebaseerde geweld (GGG) is en verskeie perspektiewe oor die rol van trauma en genderverwagtinge te bespreek: Vir hierdie sessie ondersoek ons intiemepaargeweld, die rol van trauma, aanspreeklikheid, en hoe genderverwagtinge ons begrip van GGG kan beïnvloed.

Omtrent die fasiliteerder:

Dr Jill Ryan is die koördineerder vir teengendergeweld in die Eenheid vir Gelykwaardigheid, vir Onderrig en Leer. Sy beskik oor 'n baccalaureusgraad in Sielkunde (BPsig), en voltooi haar nagraadse opleiding deur die sentrum vir interdissiplinêre studies oor kinders, die gesin, en die samelewing (voorheen kinder- en gesinstudies), aan die Universiteit van Wes-Kaapland. Haar navorsingsagtergrond fokus op gesinsgeweld en intergenerasie-oordrag van gesinsgeweld, sowel as op ander projekte soos die bevordering van gesondheid, besluitneming oor gesondheid, weifeling oor entstowwe, en gesinswelstand.

Vanweë haar voorspraak en navorsing oor gesin‑gesentreerde intervensies aangaande geweld, kry sy die geleentheid om aan verskeie gesinsdiens- en geweldvoorkomingsforums op nasionale en provinsiale vlak deel te neem; terwyl sy opleiding gee in die teorie en praktyk van navorsing oor geweldsintervensie, sowel op studente- as op professionele vlak. Verder doseer sy en hou toesig oor nagraadse studente in onderwerpe soos intiemepaargeweld, en sy is die outeur en mede-outeur van artikels oor uiteenlopende onderwerpe soos geweldvoorkoming, gesondheidsbevordering en gesinswelstand; terwyl sy ook medewerker aan en mederedakteur van 'n boek oor gesinsgeweld is.​