OOP GESPREKKE

Die Stellenbosch Universiteitsmuseum nooi u uit na 'n paneelbespreking oor: “Gedenktekens by universiteite in postapartheid-Suid-Afrika"

Aanbieders

Prof Leslie Witz (Senior Professor, Departement Geskiedenis, Universiteit van Wes-Kaapland)

Leslie Witz se vernaamste navorsing draai om hoe verskillende geskiedenisse in die openbare domein deur gedenktekens, museums, feesvieringe en toerisme geskep en verteenwoordig word. Hy is die skrywer van: Write Your Own History and Apartheid's Festival: Contesting South Africa's National Pasts. Leslie Witz is die medeskrywer van Hostels, Homes Museum: Memorialising Migrant Labour Pasts in Lwandle, South Africa en Unsettled History: Making South African Public Pasts wat reflekteer oor die openbare geskiedenis in Suid-Afrika sedert die 1990s.

Prof Lize van Robbroeck (Professor in Visuele Studies, Universiteit Stellenbosch)

Lize van Robbroeck se navorsing fokus op postkolonialiteit en nedersetting-subjektiwiteite in Suid-Afrikaanse visuele kunste. Haar navorsingsbelangstellings sluit in psigoanalitiese teorieë van subjektiwiteit en ras en sy werk by die kruispunt van Lacaniaanse psigoanalise en Feministiese Nuwe Materialisme. Sy gee klas oor, onder andere, dekolonialiteit, ekokritiek en posthumanisme in die visuele kunste.

Me Pia Bombardella (Dosent in Sosiale Antropologie aan die Noordwes-Universiteit)

Pia Bombardella stel daarin belang om stedelike en omgewingsantropologie ter sprake te bring en werk aan ʼn projek waar vrae gevra word oor setlaarintimiteite, tuinmaak en eiendomskeppingspraktyke. Haar onderrig bou op haar vroeëre navorsing oor inkopiesentrums en kasino's in Kaapstad en is die grondslag van ʼn voortgesette samewerkende navorsings- en onderrigprojek wat vrae vra oor die stad (en die universiteit) se hede, verlede, sosiale verandering, hoort en transformasie.

Prof Noor Nieftagodien (SARCHI, Plaaslike Geskiedenisse, Huidige Realiteite, Universiteit van die Witwatersrand)

Noor Nieftagodien is die Hoof van die Geskiedeniswerkswinkel by die Universiteit van die Witwatersrand, waar hy ook in die Departement Geskiedenis doseer. Hy is die medeskrywer, saam met Phil Bonner, van boeke oor die geskiedenis van Alexandra, Ekurhuleni en Kathorus en het boeke gepubliseer oor die geskiedenis van Orlando-Wes en die Soweto-opstand. Hy het ook boeke oor die geskiedenis van die ANC en studentebewegings saamgeredigeer.

Moderator

Dr Geraldine Frieslaar (Kurator van Navorsing, Dialoog en Maatskaplike Geregtigheid, Universiteitsmuseum)

Datum: Donderdag, 7 Oktober 2021

Tyd: 14:00-15:30 (SAST)

Webinaar: MS Teams

Kliek om te registreer:
JustConversations