Bly
groei as dosent by die US
Teaching
Fellowships Die US Onderriggenootskappe bied
voortreflike opvoeders en vakkundiges in onderrig en leer die geleentheid om
meer dikwels vir volgehoue tydperke, en met verskillende vorme van
ondersteuning, op aspekte van kurrikulumvernuwing, die verkenning van onderrig
en leer, en die verspreiding van goeie onderrig- en leerpraktyk in departemente
en fakulteite te fokus. Meer inligting oor die
2021 Onderriggenootskappe is beskikbaar by dr Karin Cattell-Holden, kcattell@sun.ac.za of op die SOL webwerf.
|
Die kenniskorpus
van dr Elize Archer se onderriggenootskap groei voort verby die tydsraamwerk
van die genootskap (2017 – 2019). Sy is
onlangs erken deur ‘n Vroeë Loopbaanontwikkelingsfonds (Junie
2020-Junie 2021) toekenning. Haar navorsing oor empatie in gesondheidsberoepe, en hoe ons
dit kan onderrig en aanleer, het heelparty kollegas (en ook haarself) bemagtig
en gelei tot die insluiting van empatie as deel van die huidige kurrikula. Dit dra by
tot groter bewustheid van pasiënte as die middelpunt van die gesondheidstelsel.
Elize se
navorsing en onderrig het bevind dat gesondheidsberoepslui gedragsvaardighede soos
empatie kan aanleer, maar hulle sal waarskynlik nie volgehoue veranderinge maak
vir pasiëntgesentreerde
gesondheidsorg totat dit resoneer met hulle eie wêreldbeelde nie. Sover het sy meeste van hierdie werk met
voorgraadse studente gedoen. Dr Archer het besef dat studente se gedrag en gedagtes beter beïnvloed kan word as die
registrateurs se perspektief in ag geneem word.
Registrateurs is spesialiste in opleiding en hulle het 'n groot invloed op junior
studente se ontwikkeling. Dit
is belangrik om te verstaan hoe hulle in die besige en komplekse
gesondheidstelsel regkry om empaties te kommunikeer en om te gaan met
pasiënte. En dit is presies hierop waarop haar opvolgnavorsing fokus.
“Die voorsienbaarhede wat SOL verskaf was instrumenteel
in my akademiese ontwikkeling. As ‘n
nuwe dosent in the Fakulteit Geneeskunde en Gesondheidswetenskappe het ek in
2008 ‘n FINLO toekenning ontvang vir ‘n projek oor die gebruik van gesimuleerde
pasiëntscenario in die onderrig van basiese vaardighede in kliniese prosedure. Dit het my gehelp om die
kommuniksasievaardighede van mediese studente te begin ondersoek. Van daar af het so baie gebeur en ek is
oortuig dat hierdie geleentheid my gehelp het om te begin!”
Dr
Archer het ’n US Toekenning vir Uitnemende Onderrig in die kategorie “
Ontluikende Dosent” in 2018 ontvang. In 2019 het sy ook ’n sertifikaat van
meriete vir haar Onderriggenootskap ontvang ter erkenning van haar bydrae tot
die ontwikkeling van die akademieskap van onderrig en leer aan die US.