Universiteit Stellenbosch
Welkom by Universiteit Stellenbosch
Vergelyk appels met appels - nou selfs aan die binnekant - met X-straal-rekenaartomografie en 3D-beeldanalise
Outeur: E Els
Gepubliseer: 02/07/2021

Die 'Fuji' appelkultivar is ekonomies belangrik en is een van Suid-Afrika se mees gekweekte appelkultivars. Interne verbruining van hierdie appels tydens opberging is dus nie gewens nie.

'n Studie deur verskeie navorsers het geaffekteerde en ongeaffekteerde weefsel van 'Fuji'-appels analiseer na blootstelling aan 'n opbergingsatmosfeer met 0,1% O2 en 50% CO2 na 3 dae. X-straal CT-skandering kon mikro-strukturele inligting van porieë en selle gee, soos porositeit, lengte, bolvormigheid, konnektiwiteit, ekwivalente deursnee en anisotropie. 3D-beeldanalise het getoon dat vrugteweefsel wat verbruin het, laer porositeit en laer porieverbindings gehad het as gevolg van die vul van porieë met sellulêre vloeistowwe wat vrygestel is na die selbeskadiging wat veroorsaak word deur die hoë CO2 / lae O2-spanning.

Interne verbruining is in die kern van die vrugte gekonsentreer en het ontwikkel in 31% van die vrugte wat ontleed is - in verskillende grade van erns.

Die studie het indiepte inligting gegee oor die effek van korttermyn hoë CO2 / lae O2-spanningstoestande op die mikrostruktuurele eienskappe van Suid-Afrikaanse gekweekte 'Fuji'-appels. Dit het ook getoon dat die weefselmikrostruktuur die vatbaarheid van verskillende streke binne dieselfde vrug beïnvloed vir stresgeïnduseerde IB-simptome.

• Die artikel ' Use of X-ray computed tomography and 3D image analysis to characterize internal browning in 'Fuji' apples after exposure to CO2 stress' is in Scientia Horticulturae (277: 2021) gepubliseer en is aanlyn beskikbaar by https://www.sciencedirect.com/science/article/pii/S0304423820306683

 

Mediaversoeke:

Prof Anton du Plessis

E-pos: anton2@sun.ac.za