Hoe respiratoriese strukture wissel of beperk word deur die omgewing van 'n dier, is van groot belang om die verskille in evolusionêre en vergelykende fisiologie-hipoteses te sien.
Dit is moeilik om die respiratoriese strukture van insekte te ondersoek omdat hulle so klein is. Daarom is slegs 'n handjievol spesies al ondersoek. Die analitiese proses in verskillende metodes wat al gebruik is, is dodelik en vernietigend en verg baie tyd en werk.
In hierdie studie het navorsers 'n ander benadering tot die meting van trageale volume ondersoek en getoets met behulp van X-straal mikrotomografie-skandering op lewende, verdoofde larwes. Dit is gedoen by die CAF CT-skandeerderfasiliteit op die Stellenbosch-kampus. Nuwe data oor die weerstand van die larwes teen die bestralingsdosis wat tydens X-straal mikro-tomografie-skandering geabsorbeer word, word verskaf. Deur te vergelyk hoe trageale dimensie (wat die metaboliese aanbod weerspieël) en die basale metaboliese tempo (wat die metaboliese vraag weerspieël) met massa toeneem, het die studie getoon dat trageale suurstofvoorsieningsvermoë tydens ontwikkeling teen 'n vergelykbare of selfs hoër tempo toeneem as die metaboliese vraag.
Die studie bied metodologiese insigte en nuwe biologiese data oor sleutelkwessies in die vinnig kwantifisering van respiratoriese anatomie van lewende insekte.
X-straal mikrotomografie-beelde van larwes van die kewer Cacosceles Newmannii.
- Die artikel 'Using µCT in live larvae of a large wood-boring beetle to study tracheal oxygen supply during development ' is gepubliseer in Journal of Insect Physiology (2021; 130: 104199) en is aanlyn beskikbaar by https://pubmed.ncbi.nlm.nih.gov/33549568/
Mediaversoeke:
Prof Anton du Plessis
E-pos: anton2@sun.ac.za
Tel: +27 21 808 9389
Prof John Terblanche
E-mail: jst@sun.ac.za
