Die Landbouwetenskappe dekaan, prof. Danie Brink, het vroeër die maand deelgeneem aan 'n vergadering met sleutelspelers en personeel van die
Departement Bosbou en Houtwetenskappe. Die doel van die vergadering, wat
aangebied is deur York Timbers op Jessievale in Mpumalanga, was om
onderwysbehoeftes sowel as moontlikhede vir voortgesette samewerking tussen
enkele van die voorste bosbouondernemings (Mondi, Sappi en York) en die
departement bos en houtwetenskap te bespreek. In hierdie geval was die fokus
hoofsaaklik op die gebied van bosbedrywighede, waar dr. Dirk Laengin (hoof van
bos tegnies, Mondi), mnr. Giovanni Sale (hoofbestuurder navorsing, beplanning
en kwekerye, Sappi) en mnr. Piet van Zyl (uitvoerende hoof, York Timbers). As
deel van die ervaring is 'n uitstappie gereël waar plantegroeibestuur,
terreinvoorbereiding, plant, uitdunning en finale sny deeglik onder die
deelnemers gedemonstreer en bespreek is. Die 'indaba' het geëindig op 'n
positiewe en entoesiastiese noot, met 'n algemene ooreenkoms oor toekomstige
geleenthede en voortgesette samewerking.