​Die Afdeling Ontwikkeling en Alumnibetrekkinge is gereed om die maroen tapyt uit te rol vir die Universiteit se 9de jaarlikse Tuiskomsnaweek wat vanaf Donderdag 12 September tot Saterdag 14 September 2024 op die Stellenbosch- en Tygerbergkampus plaasvind.

Tuiskoms is 'n tyd om ons alumni te vier, maar ons wil ook hê ons wonderlike personeellede moet deel in die pret. Personeel kry 15% afslag op Tuiskomskaartjies. Gebruik eenvoudig die promosiekode Matie wanneer jy bespreek.

Die aanbod eindig op 18 Augustus, so moenie hierdie geleentheid misloop nie.

Kom slaan af by die gholfdag, woon ʼn teaterstuk by, kuier by die Alumni-klubhuis, neem deel aan besprekings en onthou die lekker tye by jaargroepreünies. Sluit die naweek op ʼn hoogtepunt af met ʼn onvergeetlike konsert waar talle talentvolle Maties gaan optree.

Klik hier vir die volledige Tuiskomsprogram en hier om jou plek te bespreek. Kyk hier na die hoogtepunte van Tuiskoms 2023 vir 'n voorsmakie van wat op jou wag.

Enige vrae? Kontak ons by homecoming@sun.ac.za of +27 21 808 4179.​