Universiteit Stellenbosch
Welkom by Universiteit Stellenbosch
Effektiewe Mediakommunikasie
Begin: 02/07/2021, 09:00
Einde: 06/08/2021, 11:00
Kontak:Michelle Pieters - 021 808 2812
Plek: Online

Wat is die fokus van hierdie kursus?

Hierdie aanlyn kortkursus, aangebied deur die Taalsentrum se Kommunikasielab, sal jou blootstel aan die jongste tegnieke om doeltreffend en met selfvertroue vir verskillende sosialemediaplatforms te skryf.

In hierdie kursus kyk ons na:

  • skryfwerk vir die media, koerantpublikasies en radioberigte
  • skryfwerk vir sosiale media – Twitter, Facebook, Reddit en Instagram
  • die skryf van persverklarings en promosiemateriaal
  • gesprekke oor etiek in joernalistiek
  • die skryf van blogs en interne publikasies
  • die basiese beginsels van redigering en hulpbronne daarvoor

Na afloop van die kursus sal jy:

  • opnuut die belang daarvan besef om jou storie effektief oor te dra, met taalgebruik wat terselfdertyd boeiend en verstaanbaar is
  • jou eie praktiese skryfstyl ontwikkel, gebaseer op suksesvolle en effektiewe kommunikasiestrategieë en tegnieke
  • ʼn oorsig hê oor etiese kwessies, en die belang besef van sowel die nagaan van feite as opsommings en akkuraatheid

    Wie is die aanbieder?

    Barbara Hathorn is ʼn ervare taalpraktisyn met ʼn agtergrond in joernalistiek, onderwys, redigering en linguistiek. Sy is ook ʼn volle lid van die Professional Editors' Guild (PEG) in Suid-Afrika. Met haar sagte aanslag is Barbara die ideale aanbieder om kursusgangers te help om ʼn goeie besigheidskryfstyl en -gewoontes te ontwikkel.

    Wie kan die kursus bywoon en watter loopbaanvoordele hou dit in?

    As jy persverklarings, promosiemateriaal, publikasies en blogs skep, is hierdie kursus die antwoord vir jou!

    Ons beperk die aantal deelnemers om optimale leer te verseker. Die regstreekse aanlyn sessies word deur ʼn aanlyn komponent aangevul, en alle aspekte van die kursus word geassesseer.

    Is daar enige voorvereistes?

    Jy sal ʼn rekenaar moet hê wat ons aanlyn platforms (MS Teams en SUNOnline) kan hanteer en jy sal ʼn betroubare internetverbinding nodig hê om vir die regstreekse aanlyn sessies aan te meld. Jy sal ook elektroniese dokumente moet kan skep.

    Hierdie is nie ʼn intreevlakkursus nie en naskoolse opleiding in joernalistiek of werksondervinding in hierdie veld word sterk aanbeveel.

    Waar en wanneer vind hierdie kursus plaas?

    Ons hibriede kursusse kombineer regstreekse aanlyn sessies, wat deur die aanbieder gefasiliteer word, met aanlyn leer wat jy op eie stoom doen.

    Hierdie aanlyn kursus open voordat die eerste regstreekse aanlyn sessie plaasvind en sluit lank nà die laaste regstreekse aanlyn sessie. Dit gee jou genoeg tyd om jou SUNOnline teenwoordigheid te aktiveer voordat die eerste regstreekse aanlyn sessie plaasvind en om aktiwiteite en take voor die kursus se sluitingsdatum te voltooi.
 

Duur van die kursus

(openings- en sluitingsdatums)

Regstreekse aanlyn sessies
(9:00 tot 11:00)
Skryf in voor
Kursus 1: 11 Junie tot 27 Augustus2, 9, 16, 23 en 30 Julie, en 6 Augustus11 Junie

Tydens die kursus, sal jy jou tyd as volg spandeer:

  • 2 ure per week op ʼn regstreekse aanlyn sessie
  • ±5 ure per week op leeswerk, of om take of vasvra-take, aktiwiteite en opdragte op eie stoom te voltooi

Wat kos dit?

Die kortkursusfooi is R4 240 per deelnemer, wat kursusmateriaal, assessering, regstreekse aanlyn sessies met die aanbieder en toegang tot die aanlyn platforms insluit.

Alle kursusfooie moet asseblief vóór die begin van die kursus betaal wees. Let ook daarop dat ons hierdie kursus net sal aanbied wanneer ʼn minimum van tien kandidate wat klaar betaal het, bywoning bevestig.

Klik asseblief op hierdie skakel om in te skryf: http://bit.ly/2021_MEDIA_Infopage

Enige verdere vrae?

Skakel met Michelle Pieters vir meer besonderhede by michellep@sun.ac.za of 021 808 2812.

Jy kan ook jou spesifieke kortkursus- en ontwikkelingsbehoeftes met ons bespreek. Doen gerus navraag oor beskikbare kortkursusse, datums en die moontlikheid van pasgemaakte kursusse.​