Die kritiek teen dekolonialiteit is dikwels dat dit “te teoreties" is. Hierdie werkswinkel wil die teorie en praktyk van dekolonialiteit ophelder.  Verder wil dit deelnemers help om die sentrale waardes van dekolonialiteit vir hul eie werk te ontdek. Die werkswinkel sluit in 'n praktiese, krities-refleksiewe verkenning van dekolonialiteit deur die gebruik van visuele metodologieë. Teen die einde van die werkswinkel behoort die deelnemers in staat te wees om a) kern- teoretiese konstrukte sentraal tot dekolonialiteit te verstaan en kortliks te hersien; b) 'n duidelike(er) begrip te vorm van die waardes wat sentraal tot dekoloniale denke staan; en c) daardie waardes vir sistemiese verandering in hul eie werk te implementeer.