​Sedert die ontdekking van elektromagnetiese straling deur Maxwell en Hertz in die 19de eeu, was lig ons voorkeurdraer van inligting. Hulle kon nie weet dat die kwantumrevolusie van die 20ste eeu weer eens ons begrip van lig sou verander en nuwe maniere van kommunikasie en berekening sou ontsluit nie. Fotone en die pas ontdekte wette van kwantummeganika (onsekerheid, golffunksie-ineenstorting, Bell-ongelykhede ens.) het nuwe kriptografiese protokolle en rekenaaralgoritmes moontlik gemaak. In hierdie kollokwium hersien ons sommige van die toepassings van fotone in veilige kwantumkommunikasie en inligtingsverwerking. In kommunikasie maak dit die vinnige transmissie van inligting moontlik en, as dit tot op die min-fotone-vlak gedemp word, kan ons kwantummeganika gebruik om nuwe kriptografiese protokolle te vestig of kwantuminligting oor te dra. In berekening is lig egter meer ingewikkeld as ander stelsels, aangesien daar nie wisselwerking tussen fotone (van die eerste orde) onderling is nie. Saam met die onlangse eksperimentele vooruitgang is ʼn dieper teoretiese begrip van optiese kringe nodig, voordat kwantumoptika as ʼn lewensvatbare rekenaartegnologie beskou kan word.

Meer besonderhede: https://bit.ly/3VeMDiV