​Is daar ʼn enkele lineêr-evoluerende golffunksie van die heelal wat in staat is om al die nielineariteite wat ons rondom ons sien, te lei? Hierdie voorstel lyk a priori hoogs onwaarskynlik. Ek voer aan dat, in plaas daarvan, slegs lokale golffunksies in die reële heelal bestaan. Nielokale golffunksies kom voor vir noukeurig opgestelde kontekste soos Bell-eksperimente, maar daar is geen enkele golffunksie vir ʼn kat of ʼn makroskopiese voorwerp soos ʼn brein nie, wat nog te sê van die heelal as geheel. Kontekstuele golffunksie-ineenstorting lei tot ʼn verdedigbare weergawe van die Kopenhaagse vertolking van kwantumteorie, waar klassieke makrovlakke die konteks vir kwantumgebeure en biologiese verskyning voorsien. Kompleksiteit kom te voorskyn via veelskaal- aanpasbare modulêre hiërargiese strukture wat dit moontlik maak vir logiese vertakking om uit die onderliggende lineêre fisika te verskyn. Elke opkomende vlak is kousaal doeltreffend as gevolg van die inskakeling van opwaartse en afwaartse oorsaaklikheid wat konsekwent met daardie fisika plaasvind. Kwantumchemie-benaderings in biologiese kontekste pas by hierdie voorstelling van lokale golffunksie in.

Meer besonderhede: https://bit.ly/3ST6cKK