'n Inleidende kursus gemik op enigiemand wat 'n belangstelling in Intellektuele Goederereg (IG) en Mededingingsreg het. 'n Soortgelyke kursus is vir die eerste keer in 2022 in Namibië aangebied. Op versoek bied ons die kursus dus vanjaar weer in Namibië aan. Die kursus word die afgelope 11 jaar in Stellenbosch aangebied.

Die Kortkursus word aangebied deur die Anton Mostert-leerstoel vir IG-reg en ander personeel van die Fakulteit Regsgeleerdheid aan die Universiteit Stellenbosch, en vooraanstaande praktisyns op die gebied van Intellektuele Goederereg.

'n Sertifikaat van bywoning sal deur die Universiteit Stellenbosch toegeken word. Die sertifikaatprogram is geakkrediteer deur die Universiteit Stellenbosch se Afdeling: Kortkursusse.

Die kursus is prakties en vrae sal gedurende elke aanbieding beantwoord word. Elke deelnemer sal 'n geheuestokkie met al die aanbiedings ontvang.

KLIK HIER OM TE REGISTREER