Wat is Wingerd- en Wynkunde?

Wynkunde is die wetenskap en studie van alle aspekte van wyn en wynmaak en wingerdkunde behels die kweek van wingerd en die oes van druiwe.  "Wingerd- en wynkunde" is die algemene benaming vir opleidingsprogramme en navorsingsentra wat die hele bedryf insluit.​

Departement W​​​ingerd- en Wynkunde​ (DWW)

Die Departement Wingerd- en Wynkunde (DWW) is die enigste universiteitsdepartement in Suid-Afrika wat voorgraadse- en nagraadse kursusse in Wingerd- en Wynkunde aanbied.  Die Department het goed toegeruste fasiliteite tot sy beskikking wat eksperimentele en kommersiële wingerde, 'n kleinskaalse eksperimentele kelder vir onderrig en 'n nywerheidskaal kelder vir navorsings- en opleidingsdoeleindes insluit.  Navorsingsprojekte word gerugsteun deur mededingende toekennings aan die Department van die kant van nywerheids- en regeringsinstansies.  Die Departement geniet nasionale en internasionale erkenning en handhaaf noue bande en navorsingsamewerking met talle nasionale en internasionale universiteite en navorsingsinstansies. Die uitruil van studente en personeel, en vele gesamentlike navorsingsprojekte word moontlik gemaak deur onderlinge ooreenkomste.​

Instituut vir Wynbiotegnologie (IWBT)​

Die Instituut vir Wynbiotegnologie (IWBT) is as deel van 'n kennisvennootskap en strategiese alliansie tussen die Universiteit Stellenbosch, die wynbedryf en die Suid-Afrikaanse regering in 1995 gevestig.  Die IWBT is 'n internasionaleal erkende nagraadse onderrrig- en navorsingsinstituut.

Program Inligting

Voorgraadse Progr​​amme​                        

• BScAgric Wingerd- en Wynkunde (Algemeen)
  
• BScAgric Wynkunde (Gespesialiseerd)                                                                             
  
  

Nagraadse Programme

• MSc of MScAgric
  
• PhD
  
• DSc
  
  

Navorsing

Die hoofdoel van die navorsingsaktiwiteite in die Departement is om 'n bydrae te lewer om die Suid-Afrikaanse bedryf in staat te stel om op die koste-doeltreffenste wyse wyn- en wingerdprodukte van hoë gehalte te lewer met die hulp van omgewingsvriendelike tegnologieë.  Bedryfsgekoppelde navorsing wat deur middel van tegnologie-oordrag aan die bedryf geïmplementeer kan word, word voortdurend onderneem.

Die navorsing is multidissiplinêr en integ​reer tradisionele wyn- en wingerdkunde met vakrigtings soos fisiologie, biochemie, molokulêre biologie en biotegnologie van wingerd, suurdeeg- en melksuurbakterieë, wynchemie, sensoriese wetenskappe en besyferingsbiologie.

Wingerdkunde. Die wingerdbou-navorsing wat deur die Departement onderneem word, is ingestel op die ontwikkeling van nuwe, innoverende en toepaslike kennis van die wingerdstok en die kweking daarvan.  Die navorsing en eksperimentering in die veld van wingerdwetenskappe (wyn en tafeldruiwe) fokus op die effek van abiotiese faktore (lig, temperatuur, wind en water) op die ekofisiologie van wingerdstokfunksionering, korrelgroei en samestelling.

Wynkunde. Die wynkundenavorsing fokus op die invloed van die wynmaakproses (soos suurstoftoevoegings), mikro-organismes (suurdeeg en bakterieë), bymiddels (soos ensieme en CMC) en rypheid op wynsamestelling, styl en gehalte, sowel as die invloed van verskeie faktore op wynveroudering. Navorsers werk nou saam met vennote in die bedryf en help probleme oplos waarmee wynmakers op 'n fundamentele en 'n praktiese vlak te doen kry.

'n Omvattende lys van alle navorsingsartikels is beskikbaar by http://www.sun.ac.za/research/en/research-report

Kontakbesonderhede

Departement Departement Wingerd- en Wynkunde (DWW)

Fakulteit AgriWetenskappe
Universiteit Stellenbosch
Privaatsak X1, 7602 Matieland, Suid-Afrika

Tel: +27 (0) 21 808 4545  |  E-pos: gburton@sun.ac.za           
Web:  http://www.sun.ac.za/english/faculty/agri/viticulture-oenology/

Instituut vir Wynbiotegnologie (IWBT)

Fakulteit AgriWetenskappe
Universiteit Stellenbosch
Privaatsak X1, 7602 Matieland, Suid-Afrika

Tel:  +27 (0) 21 808 3770    |    E-pos:  lorette@sun.ac.za  
Web: http://www.sun.ac.za/english/faculty/agri/wine-biotech/
​

Personeel​

Akademiese Personeel