Registrasie 2025
Sedert aanlyn registrasie op 2 Januarie 2025 vir die Fakulteit Geneeskunde en Gesondheidswetenskappe oopgestel is, en vir die Stellenbosch-kampus op 13 Januarie 2025, het ons ‘n stelselmatige toename in registrasiegetalle aangeteken, met meer as 26 400 studente wat teen 5 Februarie 2025 hul plek by die US opgeneem het. Aanlyn self-registrasie sluit op 6 Februarie 2025.
Ons is daarvan bewus dat sommige studente registrasiehaakplekke op die aanlyn platform teëkom. As julle eerste aanlyn registrasiepoging onsuksesvol is, probeer weer oor ’n dag of twee. Die SUNStudent-ondersteuningspan los haakplekke deurlopend op. ’n Tweede aanlyn registrasiepoging kan julle dus help om die toustanery op kampus te vermy. As ‘n kwessie nie opgelos kan word nie, het julle steeds die opsie om van kampusregistrasie gebruik maak. Verwys ook weer na die Registrasiegids ingeval jy belangrike inligting misgekyk het.
Meld asseblief stelselkwessies by Kliëntedienste (info@sun.ac.za) aan. Ons personeel sal julle navrae na die betrokke afdeling vir hulp verwys.
Aanlyn registrasie het op die volgende datums begin:
- Fakulteit Geneeskunde en Gesondheidswetenskappe: 2 Januarie 2025
- Stellenbosch-kampus: 13 Januarie 2025
Installeer Microsoft Authenticator op jou foon voor registrasie: Alle nuwe en terugkerende studente moet die Microsoft Authenticator (MA)-applikasie op hulle Android- of Apple-slimfoon of -tablet installeer voordat hulle registreer. Dit is 'n verpligte vereiste van Microsoft. Klik
hier vir instruksies oor hoe om die MA-applikasie te installeer.
Hulp met registrasie
Let asseblief daarop dat 'n spesifieke datum en tydgleuf vir registrasie aan elke fakulteit, akademiese program en studiejaar toegeken is. Raadpleeg die registrasieskedule betyds indien jy hulp benodig om te kan registreer.
- Studente (buiten die Fakulteit Geneeskunde en Gesondheidswetenskappe en die Stellenbosch Bestuurskool) wat hulp benodig met aanlyn selfregistrasie, kan tot 6 Februarie 2025 (gedurende kantoorure) die rekenaargebruikersarea in Kamer E24 in die Neelsie-studentesentrum besoek.
- As ‘n bepaalde kwessie ondanks ons beste pogings onopgelos bly en aanlyn registrasie belemmer, of as julle spesiale vereistes het, sal daar van 27 tot 31 Januarie 2025 op die Stellenbosch-kampus (NARGA-rekenaargebruikersarea in Admin A, Ryneveldstraat) personeel beskikbaar wees om julle met registrasie te help. Elke fakulteit het ‘n spesifieke datum en tydgleuf. Besonderhede is in die registrasieskedule.
Registrasiedatums vir M- en D-studente
- M-studente moet asseblief daarop let dat die registrasiedatums vir sommige gestruktureerde Meestersprogramme dalk vroeër kan wees as die algemene registrasiedatums wat in die registrasieskedule aangedui word. Studente moet dié datums met hul programkoördineerders bevestig.
- 21 Februarie 2025: Dit is die finale registrasiedatum vir M- en D-studente wat hul programme vanjaar voortsit (dus nie nagraadse nuwelinge nie), en ook die laaste dag vir die laat registrasie van voorgraadse en nagraadse studente, asook module/program-veranderinge.
- 27 Maart 2025: Finale registrasiedatum vir nuwe M- and D-studente wat vanjaar vir die eerste keer inskryf.
Finale toelating vir eerste aansoekers
Let asseblief daarop dat die finale toelatings en kommunikasie vanaf 14 Januarie 2025 verwerk sal word. Klik
hier vir meer inligting.
