Die KNKB, Tygerbergkampus, bied werkswinkels vir navorsings- kapasiteitsontwikkeling, kortkursusse en kort inligtingsessie aan personeel, nagraadse genote en nagraadse studente van die Fakulteit Geneeskunde en Gesondheids-wetenskappe aan. Die jaarprogram is gefokus op gesondheidsnavorsing en vul die Afdeling Navorsings-ontwikkeling se kapasiteits- ontwikkelingsprogram aan. Werkswinkels en inligtingsessies oor kapasiteitsontwikkeling word op hierdie webtuiste asook in Impromptu, die interne elektroniese Fakulteitsnuusbrief, geadverteer.

Die KNKB administreer die meerderheid van die Fakulteit se interne navorsingsbefondsing, deur die Fakulteit se Navorsingskomitee (Subkomitee C) en deur ander strategiese befondsingsbronne. Funksies sluit in algemene leiding oor navorsingsbefondsing (plaaslike, nasionaal en internasionaal) en administrasie van voor- en nátoekenningsprosesse. Hierbenewens bestuur die KNKB nasionale gesondheidspesifieke befondsingsliggame namens die Universiteit Stellenbosch. Huidige oproepe om befondsing word op hierdie webtuiste asook in Impromptu, die interne elektroniese Fakulteitsnuusbrief, geadverteer.

Verslag word jaarliks oor navorsingsuitsette, in die vorm van navorsingsartikels, boeke, hoofstukke in boeke en kongresverrigtinge, gedoen deur ʼn opname op die Universiteit se navorsingsadministrateurstelsel (die RA-stelsel). Al die gerapporteerde inligting word in die Universiteit se jaarlikse navorsingsverslag saamgevoeg en geskikte uitsette word aan die Departement van Hoër Onderwys en Opleiding vir subsidiedoeleindes voorgelê. Opleiding word jaarliks tydens die navorsingsuitsetvasleggingsproses aangebied. Die KNKB ondersteun die Afdeling Navorsingsontwikkeling in hierdie proses en help navorsers met die interpretering van beleide met betrekking tot subsidiedraende navorsingsuitsette.