Maties
Welkom by Universiteit Stellenbosch

Final Reëlings

header_clean.png 

Beste voornemende Matie 

Ons sien daarna uit om jou op Saterdag 23 April 2022 vir die eerste van drie opedae op kampus te ontvang! Ons eerste geleentheid sluit drie fakulteite op Stellenboschkampus – AgriWetenskappe, Ingenieurswese en Natuurwetenskappe – sowel as Geneeskunde en Gesondheidswetenskappe op Tygerbergkampus in. 

Hoe verskil die Universiteit Stellenbosch (US) Opedag 2022 van vorige opedae? 

  • Buiten dat dít ons eerste geleentheid sedert ons vorige kontak-opedag in 2020 sal wees, om voornemende Maties en hulle ouers op kampus te ontvang, het ons ook ons opedag in 'n drie dae lange reeks omskep, wat ons met 'n opedagwebtuiste aanvul. 
  • Gedurende die aktiwiteite op kampus sal voornemende Maties na hulle fakulteitsgeboue kan kyk, opwindende onderwerpe verken, en 'n beter begrip vorm van wat studie aan die US behels.
     
  • Jy sal nog ons opedagwebtuiste tot 31 Julie kan besoek, wanneer voorgraadse studieaansoeke sluit. Die webtuiste bied antwoorde op enige algemene vrae wat jy dalk het. 

Waar kan ek die programme vir die dag kry? 

Fakulteitsprogramme is by hierdie skakel te kry: UNIVERSITEIT STELLENBOSCH OPEDAGREEKS OP KAMPUS (sun.ac.za) 

Hoe reël ek universele toegang? 

Ons voorsien graag universele toegang aan gaste wat moeilik beweeg en naby fakulteitslokale moet parkeer. Stel ons asseblief vooraf in kennis deur 'n e-pos te stuur na info@sun.ac.za. 

Hoe werk die kaartjies? 

  • Druk asseblief vooraf jou kaartjies of stoor dit as skermskote op jou mobiele toestel sodat jy maklik toegang kan verkry. 
  • As jy reeds jou kaartjie afgelaai het, maar dit nie kan opspoor nie, kan jy dit weer aflaai. Gaan na die Quicket-aanmeldblad (www.quicket.co.za) en tik jou e-posadres (die een wat jy onder “Buyer information" op die aftekenblad verstrek het) en jou wagwoord in. As jy oor jou wagwoord twyfel, klik op “Forgot my password" om die skakel van voor af in te stel. Volg die stappe by hierdie skakel: https://help.quicket.com/portal/en/kb/articles/i-can-t-find-or-print-my-tickets.
     
  • Volg hierdie skakel as jy op die dag kaartjies vir bykomende sessies wil bespreek: Bespreek kaartjies vir UNIVERSITEIT STELLENBOSCH OPEDAGREEKS OP KAMPUS (quicket.co.za). Onthou, besprekings sluit wanneer die sessie begin.
     
  • Kanselleer ASSEBLIEF betyds enige kaartjies wat jy nié gaan gebruik nie om ander gaste die geleentheid te bied om die sessie by te woon.
     
  • Ons herinner gaste vriendelik daaraan dat kaartjies beperk is tot een voornemende student en een ouer per gesin. 

Wat kan ek op die dag verwag? 

Knyp asseblief 'n tydjie af om jou vir jou aankoms op kampus voor te berei. Hou die volgende belangrike inligting in gedagte: 

Covid-19-sifting/-protokolle

  • Ons moedig gaste aan om ten minste 15 minute voor die aanvang van hulle fakulteitsessies op te daag. Sodoende is daar genoeg tyd om kaartjies te laat kontroleer, hande te ontsmet en na die lokaal te beweeg. 
  • Voltooi die aanlyn voorafsifting op Quicket voordat jy vir jou sessie aanmeld. (Dit sal ʼn epos weet wat jy ontvang.) Die sifting moet asseblief voltooi word vir elke kaartjie wat jy bespreek het. (Op dié manier sorg ons dat die geleentheid aan alle Covid-19-maatreëls voldoen.) 
  • Moet asseblief nie jou sessie bywoon indien jy enige Covid-19-simptome ondervind nie.  
     
  • Ons sal agter in die lokaal sitplek probeer hou vir diegene wat laat kom sodat sessies nie ontwrig word nie.  
     
  • Die US se Covid-protokolle vereis dat gaste hulle hande ontsmet voordat/wanneer hulle die lokaal binnegaan, maskers dra so lank as wat hulle in 'n gebou is, en sowel binne as buite 'n veilige afstand van ander handhaaf.  

Hoe om op kampus oor die weg te kom

 

FakulteitGebou naamFisiese adres
AgriWetenskappePaul Sauer-gebouBosmanstraat
JS Marais-gebouVictoriastraat
Van der Sterr-gebou, ingang 1Op die hoek van Bosman- en Victoriastraat
Agrohub, Welgevallen-proefplaasWelgevallen-proefplaas
Lombardi-gebouVictoriastraat 27
VoedselwetenskapOp die hoek van Hammanshand- en Helshoogteweg
Elsenburg Landbou-opleidingsinstituutMuldersvleiweg, Elsenburg
IngenieursweseIngenieurswese-gebouBanghoekweg
NatuurwetenskappeJan Mouton LeersentrumLangs Neelsie-studentesentrum, toeganklik uit sowel Victoria- as De Beerstraat
Geneeskunde en GesondheidswetenskappeTygerbergkampus, OnderwysgebouFrancie van Zijl-rylaan, Parow

 

Parkering

  • Daar is volop parkeerplek by die Fakulteit Ingenieurswese, toegang vanaf Bosmanstraat (wat binne stapafstand is van al die ander fakulteite op Stellenbosch). Alle sluitpale by parkeerterreine op kampus sal ook oop wees (soos gewoonlik op 'n Saterdag), so jy behoort sentrale parkeerplek te kry. 
  • Om veilig te wees, moenie enige waardevolle items in jou voertuig agterlaat waar verbygangers dit kan sien nie.
     
  • Om 'n boete van die munisipale wetstoepassingsafdeling te verhoed, moet asseblief nie op sypaadjies of op nie-aangewese plekke parkeer nie.
     
  • Neem laastens asseblief kennis dat daar ses groot sportbyeenkomste by Coetzenburg Sportkompleks sal plaasvind, wat verkeersvloei na en van Stellenbosch kan beïnvloed. Vir jou eie gemoedsrus, laat asseblief genoeg tyd toe om by jou lokale te kom. 

Waar kan ek op die dag algemene fakulteitsinligting kry? 

FakulteitInligtingstoonbankAlternatiewe bron vir algemene inligting
AgriWetenskappeVoor die JS Marais-gebou (Victoriastraat)AgriWetenskappe | Universiteit Stellenbosch Opedag (sun.ac.za)
IngenieursweseIn die markiestent voor die Ingenieurswese gebou (Banghoekweg)Ingenieurswese | Universiteit Stellenbosch Opedag (sun.ac.za)
Natuurwetenskappein die Jan Mouton Leersentrum (langs die Neelsie Studentesentrum, toeganklik uit sowel Victoria- as De Beerstraat)Natuurwetenskappe | Universiteit Stellenbosch Opedag (sun.ac.za)
Geneeskunde en GesondheidswetenskappeIn die voorportaal van die Onderwysgebou (Tygerbergkampus)Geneeskunde en Gesondheidswetenskappe | Universiteit Stellenbosch Opedag (sun.ac.za)

 

Wie sal my op die dag kan bystaan? 

  • Jy sal ambassadeurs sien rondbeweeg op al die vernaamste opedagroetes (tussen die geboue wat ons sal gebruik). Hulle sal maklik wees om uit te ken aan hulle wit T-hemde en gemerkte naambande. 
  • Alle fakulteitspersoneel sal ook naambande dra, en behoort te kan help.
     
  • Mediese bystand is beskikbaar by die Ingenieurswese fakulteit (hoek van Joubertstraat en Banghoekweg). 

Watter inligting maak NIE deel uit van die dag se verrigtinge nie? 

  • Algemene onderwerpe (hoe om aansoek te doen; beurse en lenings; koshuise en ander huisvesting)

Vir inligting hieroor, gaan na Wat jy behoort te weet | Universiteit Stellenbosch Opedag (sun.ac.za)

Jy sal nie op die dag kan aansoek doen nie. Aansoeke geskied aanlyn, en alle versoeke vir bystand met aansoeke kan gerig word aan 021 808 9111 | info@sun.ac.za. Klik op hierdie skakel om met jou aansoekproses te begin: Sluit aan (sun.ac.za)

Ons hoop dat jy 'n leersame en aangename US Opedag 2022 sal hê, en dat dit jou die nodige duidelikheid oor jou toekomstige studiereis sal bied. Ons sien daarna uit om jou aansoek te ontvang en jou in 2023 as 'n Matie te verwelkom. 

Let asseblief op die volgende:

  • Die verskillende opedagaktiwiteite sal op kamera vasgelê word. Die foto-/videograwe sal hulleself aan jou voorstel en dalk vra dat jy 'n toestemmingsvorm voltooi.
  • Jy sal ná die tyd 'n kliëntetevredenheidsopname ontvang. Ons hoor graag wat jy van die geleentheid gedink het. 

Die Universiteit Stellenbosch is waar #wiejyword selfs jou eie verwagtinge oortref. 

Vriendelike groete 

Die Opedag – span, Universiteit Stellenbosch 

Algemene bystand

Universiteit Stellenbosch, Kontak- en Kliëntedienssentrum

​021 808 9111 | info@sun.ac.za 

Quicket-bystand

Gaan na die Quicket-webtuiste vir verdere inligting:

https://help.quicket.com/portal/en/kb/articles/buy-a-ticket-with-a-card 

Quicket-kaartjiebystand

021 424 9308 | support@quicket.co.za