TOELATINGS- EN KEURINGSVEREISTES

Neem kennis dat die Universiteit Stellenbosch ŉ splinternuwe Toelatingsbeleid het. Lees gerus die beleid deur.

Om by die Universiteit Stellenbosch te kan studeer moet jy:

Suid-Afrikaanse skoolstelsel: In besit wees van 'n Nasionale Senior Sertifikaat (NSS) soos gesertifiseer deur Umalusi met toelating tot baccalaureusgraadstudie, wat beteken dat jy minstens 'n 50% in elk van vier skoolvakke uit die lys van aangewese universiteitstoelatingsvakke moet behaal: Besigheidstudies, Dramatiese Kunste, Ekonomie, Fisiese Wetenskappe, Geografie, Geskiedenis, Godsdiensstudie, Inligtingstegnologie, Ingenieursgrafika en -ontwerp, Landbouwetenskappe, Lewenswetenskappe, Musiek, Rekeningkunde, Tale (een taal van leer en onderrig aan 'n hoëronderwysinstelling en twee ander erkende taalvakke), Verbruikerstudie, Visuele Kuns, Wiskunde en Wiskundige Geletterdheid.
Internasionale skoolstelsel: Finale skooluitslae van International Curriculum (Cambridge International, International Baccalaureate, ens.), insluitende School of Tomorrow. Kliek hier vir die minimum vereistes vir internasionale kurrikulums. (A-vlakke, AS-vlakke, IB-diploma en GCSE / IGCSE / O-vlakke).
Die Nasionale Normtoetse (NNT's) aflê. Neem kennis dat, indien jy vir 'n program in die fakulteit Geneeskunde en Gesondheidswetenskappe of in die fakulteit Regsgeleerdheid aansoek doen, moet jy voor einde Junie die NBT aflê ten einde oorweeg te word vir keuring.
Ook voldoen aan die program van jou keuse se spesifieke vereistes soos aangegee by die programbeskrywings onder die betrokke fakulteit.