​​
Adviseursdiens & Self Begeleide Kampustoere


​​

​​Hoe weet jy vir seker dat Maties die regte plek vir jou studies is? Kom beleef dit!

Kom kuier op die kampus. Voel die gees. Maak kennis met die mense. Ontdek die aantreklikhede, die tradisies en die Maties manier van doen. Kom vind uit hoe om aansoek te doen, wat die vereistes is, waar jy om finansiële hulp kan aanklop en ʼn hele breinvol ander bruikbare inligting.

Indien jy dit oorweeg om vir voorgraadse toelating tot die Universiteit Stellenbosch aansoek te doen sal dit vir ons ʼn plesier wees om jou (en jou gesin) op kampus te hê. 

Ons is die Sentrum vir Studentewerwing (SSW) en ons is hier om jou tuis te laat voel!

Kies een van die volgende opsies: 

1. Adviseursessie

ʼn SSW-adviseur sal die Inligtingsessie lei. Die sessie word gestruktureer om jou ʼn oorsig te gee van die Universiteit Stellenbosch se aansoekproses, toelatingsvereistes, finansiële hulp en studentelewe. Ouers en voornemende studente woon die sessie saam by en word aangemoedig om vrae te vra.

Adviseursessies is beskikbaar op die volgende dae: Maandae, Woensdae en Vrydae om 10:00 of 15:00

‘n Opsionele self begeleide kampustoer is beskikbaar waar u ‘n kampuskaart ontvang om ons pragtige kampus te verken.


BESPREKINGS: heletbou@sun.ac.za / 021 808 2370

2. Skoolgroepbesoek

Ons verwelkom skoolgroepe op kampus. Bespreek jou besoek ten minste twee weke vooruit.

ʼn SSW-adviseur sal die sessie lei. Dit word gestruktureer om leerders en onderwysers ʼn oorsig te gee van Universiteit Stellenbosch se aansoekproses, toelatingsvereistes, finansiële stelsel en studentelewe. ʼn Kampustoer begin net na afloop van die inligtingsessie. Huidige US-studente lei leerders en onderwysers op ʼn besoek van die hoofpunte op die kampus, en gee hulle ʼn student se perspektief op die lewe hier. Ons kan ook fakulteitspesifieke besoeke en inligtingsessies by die groepbesoek insluit.


BESPREKINGS: heletbou@sun.ac.za / 021 808 2370

3. Virtuele sessies

ʼn SSW-adviseur sal die sessie lei. Dit word gestruktureer om leerders ʼn oorsig te gee van Universiteit Stellenbosch se aansoekproses, toelatingsvereistes, finansiële stelsel en studentelewe. Ouers en voornemende studente woon die sessie saam by en word aangemoedig om vrae te vra. 

Platforms wat vir hierdie sessies gebruik word, sluit in: WhatsApp video-oproepe, Facebook Messenger, Skype en Google Hangouts.


BESPREKINGS: heletbou@sun.ac.za / 021 808 2370