​EENHEID VIR ERVARINGGERIGTE LEER

Die Eenheid vir Ervaringgerigte Leer (EEL) is deel van die Sentrum vir Studentelewe en ‑leer (SSLL), wat onder die Afdeling Studentesake aan die Universiteit Stellenbosch ressorteer. In aansluiting by nasionale en institusionele doelwitte funksioneer die EEL binne 'n raamwerk van sosiale geregtigheid wat studente aanbied as sosiaal bewuste burger-leiers wat tot die holistiese ontwikkeling van hulleself, ander en hulle konteks verbind is. Die EEL se mandaat is om sessies vir personeel en studente aan te bied oor hoe om transformerende ervaringgerigte leergeleenthede te ontwerp, in te voer en te evalueer. Ons doen dit deur raamwerke vir ervaringgerigte leer op te stel en deur gestapelde ervaringgerigte leergeleenthede wat by 21ste-eeuse vaardighede en die kenmerke van US-gegr​adueerdes inskakel. As impakmaatstaf kan studente erkenning vir bewysgebaseerde leer op die akademiese transkrip ontvang, wat hulle vir doeltreffende globale burgerleierskap posisioneer. Om bogenoemde met konsekwente gehalte en doeltreffendheid te vermag, streef die EEL na ervaringgerigte leer as pedagogie vir sosiale geregtigheid. 

​​

Erkenning vir ervaringgerigte leer op die akademiese transkrip is belyn met die US se kern- strategiese tema 1: 'n transformerende studente-ervaring, want dit “berus op die voorsiening van groeigeleenthede aan alle voor- en nagraadse studente, wat insluit leiding, steun en dienste deur die US om studentesukses te verseker".^[1] Met die oog daarop om die US se visie en missie te implementeer, verseker die EEL dat mense, prosesse en praktyke hoofsaak bly deur monitering, evaluering, navorsing en leer (Eng. MERL) te integreer in alles wat ons doen. Hierdie MERL-benadering is veelvlakkig en multidimensioneel, en omvat interne en eksterne vennootskappe. Die EEL hou toesig oor die erkenningsprosesse vir die akademiese transkrip, vanaf aanvang tot afhandeling.

​^[1] Universiteit Stellenbosch. Verkorte weergawe van Visie 2040 en Strategiese Raamwerk 2019–2040 6.

HOE OM 'N KO-KURRIKULÊRE AKTIWITEIT TE REGISTREER VIR TRANSKRIPERKENNING

​​​​

Ervaringgerigte leer en onderrig is die hartklop van wat ons by die EEL doen, en is met die institusionele akademiese projek en die US se kern- strategiese tema 2 belyn: genetwerkte en samewerkende onderrig en leer. Ons benut 'n aantal leerteorieë (soos Kolb se teorie van ervaringgerigte leer en Freire, Mezirow en Sen se werk) om transformerende leerontwerp binne 'n hoëronderwysomgewing te bewerkstellig. Een van hierdie aanbiedings is die Ontwerp vir Transformerende Ervaringgerigte Leer- (OTEL-)module. Die oogmerk van OTEL

​is om die ervaringgerigteleer-omgewing geleentheid te gee om die vaardighede, nutsmiddels en tegnieke teontwikkel wat dit verg om studentgerigte, kontekstueel tersaaklike, transformerende, ervaringgerigte leergeleenthede te ontwerp, deur te voer en te meet. Die EEL gebruik sinchroniese en asinchroniese leermodaliteite om gelyke toegang en gelyke uitkomste te verseker. Studente het toegang tot leergeleenthede in lewende lywe, op kampus, én aanlyn, afkampus. Daarby dra die EEL die verantwoordelikheid binne die Afdeling Studentesake vir die vaardigheidsraamwerk vir ervaringgerigte leer sowel as die integrasie van die kenmerke van US-gegradueerdes by leergeleenthede.