HULPBRONNE EN GEREELDE VRAE
Kyk gerus hier onder
na bykomende inligting oor hoe om jou onderhoudsvaardighede verder te slyp of
jou CV en dekbrief by te werk. Jy sal ook ander hulpbronne
hier kry om jouself beter toe te rus vir jou eerste treë in die beroepswêreld.
Voorbeelde van
dekbriewe
Werksessies - Aanlyn opnames
Gereelde vrae van
studente
Kan julle vir my ʼn werk kry?
Nee. Ons is nie ʼn plasings- of werwingsagentskap nie, maar ons help studente
om doeltreffend vir die werksoekproses voor te berei. Ons
organiseer ook netwerkgeleenthede met besighede en bestuur die loopbaanportaal Gradlinc waar besighede poste-advertensies kan plaas. Verder stuur ons geteikende
e-posse met ʼn lys van beskikbare poste aan studente.
Ek is ʼn eerstejaarstudent. Kan ek die dienste
van die Eenheid vir Graduandi-loopbaandienste gebruik?
Ja. Hoewel ons daarop fokus om ons finalejaarstudente vir die beroepswêreld
voor te berei, is dit belangrik om van jou eerste jaar af aan jou
loopbaandoelwitte en werksoekvaardighede te begin werk. Ons
stel voor dat eerstejaarstudente die werksessies wat ons aanbied, bywoon.
Ek wil graag ʼn afspraak maak om my CV te
ontwikkel. Hoe doen ek dit en wat het ek hiervoor nodig?
Registreer vir ons werksessies by Gradlinc,
voltooi jou profiel, gaan na Geleenthede, dan Werksessies en bespreek vir ʼn
sessie vir die opstel van ʼn CV. As jy nog bystand nodig het, kontak Thobeka Msi by stm@sun.ac.za om ʼn
afspraak vir ʼn individuele sessie te maak. Stuur
vir haar ʼn weergawe van jou mees onlangse CV en bring ook ʼn weergawe op papier
saam wanneer jy kom vir julle afspraak.
Ek het ʼn onderhoud in die vooruitsig en wil
graag met iemand gesels oor hoe ek vir die onderhoud kan voorberei.
Registreer vir ons werksessies by Gradlinc, voltooi
jou profiel, gaan na Geleenthede, dan Werksessies en bespreek vir ʼn sessie oor
onderhoudvaardighede. Hierdie moenie ʼn besluit op die laaste oomblik wees nie – gee jouself
genoeg tyd om voor te berei. As jy meer inligting nodig het, kontak gerus vir Thobeka Msi by stm@sun.ac.za.
Waar en wanneer word julle werksessies
aangebied?
Ons bied al ons werksessies gedurende die
etensuur aan, en dit is vir datums dwarsdeur die jaar geskeduleer. Sessies
word by die Loopbanekantoor in Victoriastraat 43, Stellenbosch, aangebied. Vir ʼn
volledige lys werksessies kan jy Gradlinc besoek.
Hef julle ʼn fooi vir julle dienste?
Ons dienste is gratis.
Moet ek my CV saamneem na loopbaanskoue?
Dit is ʼn baie goeie idee om ʼn paar afskrifte van
jou CV na enige loopbaanskou saam te neem. As ʼn
verteenwoordiger van ʼn besigheid belangstelling toon om met jou op te volg, kan
jy vra of hulle dalk ʼn afskrif van jou CV wil hê.
Ek wil my studierigting verander en ek het nodig
om met iemand daaroor te gesels.
Kontak jou fakulteitsekretaris in Admin A oor
jou vrae en behoeftes in hierdie verband. Jy kan ook die SSVO, in Victoriastraat 43, by 021-808 4707 skakel vir
ʼn afspraak met ʼn voorligtingsberader.
Ek het verlede jaar graad gevang en ek het nou
loopbaanadvies nodig. Kan julle help?
Die Kantoor vir Studentewerwing/Voornemende
Studente bied loopbaanadvies aan alumni en voornemende studente wat verder wil
studeer. Besoek
hulle hier vir
meer inligting.
Is julle werksessies oop vir enigeen?
Ons werksessies is net beskikbaar vir studente
wat tans aan die US studeer.
Ek is op soek na deeltydse of vakansiewerk. Waar
kan ek begin kyk?
Klik hier vir
ons jongste vakatures. Jy kan ook op Gradlinc registreer
sodat ons jou kan laat weet as daar nuwe vakatures is.
Ek moet met ʼn akademiese voorligter gesels en
wil graag ʼn afspraak maak.
Skakel 021 808 4707 of
besoek die Sentrum by Victoriastraat 43, Stellenbosch, om ʼn afspraak te maak.
