Center for Student Counseling & Development
Welkom by Universiteit Stellenbosch


OPLEIDING EN WERKSESSIES


Die Eenheid vir Gestremdhede bied studente en personeel verskeie geleenthede vir opleiding. Dit strek van die aanleer van vingertaal, deelname aan ʼn geakkrediteerde Gestremdheid Leierskap-kursus, en die fasiliteer van personeelopleiding deur middel van die Siyakhula-opleidingsessies.

Leer gebaretaal

Vir diegene wat daarin belangstel om gebaretaal aan te leer, bied ons beginnersklasse aan in die eerste en tweede semester op sowel die Stellenbosch- as die Tygerberg-kampus. E-pos disability@sun.ac.za om jou plek te bespreek of om uit te vind wanneer die klasse plaasvind. Dit kos R120 vir ses opeenvolgende sessies, of R20 per sessie.

Lei met Gestremdheid

Lei met Gestremdheid is ʼn geakkrediteerde kursus vir studente. Die kursus dek universele toegang, universele ontwerp en billike akkommodasie uit ʼn gestremdheidsoogpunt. Daar vind etensuursessies op die Stellenbosch-kampus plaas tydens die eerste en tweede semester. E-pos disability@sun.ac.za vir meer inligting. Die sessies is gratis.

Opleiding ​vir personeel

Die Universiteit se Afdeling Menslike Hulpbronne bied Siyakhula-opleidingsessies aan. Die eenheid vir Gestremdhede bied ʼn sessie aan wat fokus op universele toegang, universele ontwerp, billike akkommodasie en besprekings oor gestremdheidsinsluiting op kampus.