Interdissiplinêre BSc-graad
Die interdissiplinêre BSc-graad lei na multidissiplinêre nagraadse opsies.
Biomediese Wiskundige Wetenskappe
Hierdie stroom kombineer velde soos Ingenieurswese, Wiskundige Wetenskappe en die Biologiese Wetenskappe, met nagraadse studiemoontlikhede in Fisiologiese Wetenskappe, Wiskunde of Biomediese Ingenieurswese.
Fokusareas: Fisiologie, Wiskunde
Toegepaste Medisinale Chemie
Kombineer Biologiese Wetenskappe en Fisiese Wetenskappe met Patentreg as derdejaarsmodule. Nagraadse studiemoontlikhede in Fisiologiese Wetenskappe of Chemie.
Fokusareas: Chemie, Fisiologie
Bioinformatika en Berekeningsbiologie
Kombineer Biochemie, Bioinformatika, Rekenaarwetenskap en Genetika op 'n multidissiplinêre vlak.
Fokusareas: Bioinformatika en Berekeningsbiologie
Spesifieke toelatingsvereistes: Wiskunde 6 EN Fisiese Wetenskappe 4; OF Chemie EN Fisika: 4
B in Datawetenskap
Vier fakulteite werk saam om die BDatSci-program aan te bied: Natuurwetenskappe, Ekonomiese en Bestuurswetenskappe, Agriwetenskap en Lettere en Sosiale Wetenskappe. Die program gee 'n deeglike onderbou in alle aspekte van die datalewensiklus, en behels data-insameling, -prosessering, -analise en -visualisering. Jy kan een van die volgende fokusareas kies:
- Toegepaste Wiskunde (Natuurwetenskappe)
- Rekenaarwetenskap (Natuurwetenskappe)
- Statistiese Fisika (Natuurwetenskappe)
- Statistiese Leer (Ekonomiese en Bestuurswetenskappe)
- Analitika en Optimering (Ekonomiese en Bestuurswetenskappe)
- Geoinformatika (Lettere en Wysbegeerte)
- Statistiese Genetika (Agriwetenskappe)
Spesifieke toelatingsvereistes
- 'n NNS-gemiddelde van minstens 80% (Lewensoriëntering uitgesluit) en Wiskunde 80% plus een van die volgende:
- Afrikaans Huistaal 60% of
- Engels Huistaal 60% OF
- Afrikaans Eerste Addisionele Taal 75% of
- Engels Eerste Addisionele Taal 75%
