Natuurwettenskappe
Welkom by Universiteit Stellenbosch

Science Café Stellenbosch

​​​Science Café Stellenbosch is 'n inisiatief van die Fakulteit Natuurwetenskappe om openbare gesprekke oor die wetenskap aan te moedig.

Die doel van 'n Science Café is om die gaping tussen die wetenskap en die algemene publiek te oorbrug deur middel van 'n gesprek in 'n nie-akademiese omgewing soos 'n restaurant of 'n kafee. Daar is reeds honderde soortgelyke Science Cafés regoor die wêreld.

Prof. Louise Warnich, Dekaan van die Fakulteit Natuurwetenskappe, sê dit bied die ideale geleentheid om die publiek by gesprekke oor die wetenskap te betrek: "Wetenskaplikes word verplig om hul resultate te kommunikeer, maar ons het 'n selfs groter verantwoordlikheid om met die algemene publiek in gesprek te tree, en dit in 'n taal wat almal kan verstaan."

Vir meer inligting, kontak sciencecafe@sun.ac.za om op hoogte gehou te word van toekomstige geleenthede.

Volg ons op Twitter of Facebook.

 

Die volgende Science Café 

Gespreksleier: Prof Hugh Patterton, direkteur van die Sentrum vir Bioinformatika en Berekeningsbiologie aan die US

Die ontwikkeling van 'n COVID-19 risikovoorspellingsplatform

Spreker: Prof Wolfgang Preiser, Dr Edward Archer en Dr Rabia Johnson​

Datum: 19 Mei 2021

​Tyd: 18:00 - 19:00

Aanlyn platform: MS Teams

Klik hier om aan te sluit 


Wanneer sal die derde vlaag van COVID-19-infeksies ons tref?

Wat as ons 'n vroeë waarskuwingstelsel vir alle tipes aansteeklike siektes in plek sou hê?

In hierdie Science Café Stellenbosch, sal Prof Wolfgang Preiser en Dr Edward Archer van die Universiteit Stellenbosch (US), en Dr Rabia Johnson van die Mediese Navorsingsraad verduidelik hoe 'n nasionale netwerk van meer as 60 navorsers verbonde aan 26 instellings saamwerk ten einde 'n afvalwatergebaseerde waarnemingstelsel vir aansteeklike siektes soos SARS-CoV2, te vestig; die wetenskap agter die omgewingsvingerafdruk van hierdie siektes; en of die huidige stelsel in staat is om 'n derde vlaag van COVID-19 te kan voorspel.

Meer oor die sprekers

Prof Wolfgang Preiser is die hoof van die Afdeling Mediese Virologie in die Fakulteit Geneeskunde en Gesondheidswetenskappe by die Universiteit Stellenbosch.

Dr Edward Archer is 'n navorsingsgenoot in die Departement Mikrobiologie, Fakulteit Natuurwetenskappe by die Universiteit Stellenbosch en een van die koördineerder van die Suid-Afrikaanse Samewerkende COVID-19 Omgewingswaarnemingstelsel (SACCESS)

Dr Rabia Johnson is adjunk-direkteur van die Biomediese Navorsings- en Innovasieplatform (BRIP) by die Mediese Navorsingsraad en medeprofessor in mediese fisiologie by Stellenbosch Universiteit.

 
Onder: Die bekende natuurliefhebber Dave Pepler in gesprek met wetenskaplikes Lester Davids, Jannie Hofmeyr en Gideon Wolfaardt oor die evolusie van velkleur, die wonderwêreld van die menslike sel, en jou eie persoonlike mikrobioom tydens 'n vorige Woordfees.

Speakers2016.jpg
 ​Gehoor.jpg