Departement bos- en houtkunde
Navorsing word op die volgende terreine onderneem.
Bosbouwetenskappe
BOSKULTUUR
Navorsing handel oor die genetiese verbetering van bome, boomkweking, boomvestiging, bestuur van inheemse woude en bosveld, sowel as terrein–spesie-passing.
Bosontwikkeling
Die gebruik van inheemse bome deur gemeenskappe, die deelnemende bestuur van inheemse woude en bosveld, en die gebruik van agrobosboutegnologieë vir gemeenskapsontwikkeling word ondersoek.
Bosbestuur
Navorsing konsentreer op bosinventaris, groei- en opbrengsmodellering van natuurlike woude en kommersiële plantasies, GIS-modellering, informatika, bosekonomie en -finansies, bedryfsbestuur en beleid.
Bosingenieurswese
Hierdie gebied handel oor logistiek en verskaffingskettingbestuur, bedryfsnavorsing, die optimalisering van oesstelsels, optimale bou- en bestuurspraktyke vir toegangspaaie en bospadnetwerke, en houtvervoer, -kostebepaling en werk-studie-protokolle.
Houtwetenskappe
Houteienskappe
’n Dieper studie van die belangrike biologiese, fisiese en chemiese eienskappe gedurende die verwerking en gebruik van houtgebaseerde produkte. Dít sluit in mikro- en makrostrukture, bioafbreking, hout–water-verwantskap, termiese gedrag, meganiese sterkte, en elektriese en akoestiese eienskappe.
Houtverwerking
Behels verdere studie van die prosesse, ekonomie en bestuur van primêre en sekondêre houtverwerkingsbedrywe.
Houtgebaseerde Konstruksies
Die ontwerp, vervaardiging en eienskappe van houtgebaseerde konstruksies, voeë en hegstukke, duursaamheids- en prestasietoetsing.
Bedryfsnavorsing en -Praktyk
Identifisering en oplossing van ’n bedryfsprobleem, of die ontwikkeling van ’n produk.
NAGRAADSE KWALIFIKASIES
NAGRAADSE DIPLOMAS
MAGISTERGRADE
DOKTORALEGRADE
