Imimandla yoxanduva engundoqo ye-CTL yile:
-
UPhuhliso olungeMfundo nolungokuQeqeshekileyo lwaBahlohli naBafundi (PREDAC):
Le yinkqubo yophuhliso olungokuqeqeshekileyo ebude bayo bulingana nesimesta, neququzelelwa yi-CTL.
-
UBufundiswa beNkomfa yokuFundisa nokuFunda (SoTL):
Le yinkomfa yarhoqo ngonyaka yangaphakathi yokuFundisa nokuFunda, nequka usuku olupheleleyo lweewekhshophu zokuFundisa nokuFunda, oluququzelelwa yi-CTL.
-
Inkqubo yeengxelo zabafundi:
Le yinkqubo elawulwa embindini yokuvavanya amabakala okufundisa nokufunda kwinqanaba lemodyuli neprogram, neququzelelwa yi-CTL. I-CTL ihlala inoxanduva ngolawulo lwale nkqubo, unonotshelo loluhlu lwemibuzo ephanda iingxelo izimvo zabafundi, ukuqulunqwa nokugcinwa kwedatha, kwakunye nokudityaniswa nokuhanjiswa kweengxelo zezimvo zabafundi ukuya kwiifakhalthi.
-
INgxowa-mali yoBuchule noPhando ekuFundeni nasekuFundiseni (Finlo):
Le yinkqubo elawulwa embindini, neququzelelwa yi-CTL, yokubonelela ngenkxaso-mali elungiselelwe uphando nobuchule obuncinci nobusekelwe kwigumbi lokufundela.
-
Iindawo zokubhala zarhoqo ngonyaka:
I-CTL iququzelela iindawo zokubhala kabini ngonyaka, enye ibakho ngenyanga kaCanzibe ize enye ibekho ngeyeNkanga. Ezi ndawo zokubhala zisebenza imibandela emibini; zibonelela ngesithuba sokuba abo babekhe bafumana i-Finlo ngaphambili bajike iiprojekthi zabo zophando ezigqityiweyo ukuze zibe ziimpepha zophando ezinokupapasheka nokuze abo basenako ukuba ngabafumani be-Finlo bagqibezele iziphakamiso zabo zophando.
-
INkqubo yobuDlelwane:
Inkqubo yobuDlelwane ibonelela ngethuba lokuba abafundisi nabafundiswa ababalaseleyo bokufundisa nokufunda bachithe ixesha elinesizinzo ngakumbi, beneentlobo ezahluka-hlukeneyo zenkxaso, ukuze bagxile kumabakala ohlaziyo, ophengululo nohanjiso lomsebenzi olungileyo phakathi kuMasebe neeFakhalthi.
-
I-okzini:
Le yinkqubo yeeseshoni zangexesha lesidlo sasemini yarhoqo ngenyanga nekunjongo yayo ikukudala amathuba okuba abahlohli nabafundi bahlole ze benze nzulu ngakumbi ulwazi lwabo malunga nemixholo enika umdla kubo kwimeko yokufundisa nokufunda e-SU.
-
Izifundo ezifutshane ze-CHEC kwimimandla:
Le yinkqubo engentsebenziswano nebandakanya zonke iiyunivesithi ezikulo mmandla kwaye iququzelelwa ngokubambisana ize kwezinye iimeko ilawulwe ngamalungu abasebenzi be-CTL. Le nkqubo ivulelekile kubo bonke abafundi base-SU.
-
UQuquzelelo ngooNtangandini lokuFundwa kweZifundo eziFutshane (ukuTyhutharisha):
Esi sisifundo soqeqesho esifutshane seziko esingummiselo nekunokufikelela kuso bonke abaququqzeleli boontangandini abathe batyunjwa ngokusesikweni ziifakhalthi kwiyunivesithi jikelele. Esi sifundo singasetyenziswa ukuncedisana naluphi na uqeqesho esele lukhona kwiifakhalthi okanye singasetyenziselwa ukuqeqesha ngokusesikweni abaququzeleli boontangandini kwiifakhalthi. Esi sisifundo soqeqesho esifutshane nesikwi-intanethi ngokupheleleyo. Esi sifundo sibhalisiwe saze saphunyezwa njengesifundo esibonelelwa kunye nekharityhulam e-SU.
-
IDiploma yaseMva kokuba siSithwala-ndwe (iMfundo ePhakamileyo – ukuFundisa nokuFunda):
Le yinkqubo yediploma evuleleke kubo bonke abasebenzi base-SU abanqwenela ukuqhubela phambili izifundo zabo kummandla wokufundisa nokufunda kwimfundo ephakamileyo. Iququzelelwa ngokubambisana kulo mmandla, kwaye i-CTL yiyo elawula enye yezi modyuli.
-
Uphuhliso lomgaqo-nkqubo weziko nohlanganiso ngokujoliswe ekufundiseni nasekufundeni:
I-CTL idlala indima engundoqo kuphuhliso notoliko lwayo yonke imigaqo-nkqubo yase-SU ephathelene nokuFunda nokuFundisa. Ngale ndlela i-CTL ikwalawula ize ithathe inxaxheba kwiqela leekomiti zeziko kwakunye namaqela emisebenzi.
-
IiProjekthi zoPhando:
I-CTL iyabandakanyeka kwiqela leeprojekthi zophando eziphathelene nokufunda nokufundisa kwimfundo ephakamileyo. Enye iprojekthi enjalo lupapasho olubhalwe ngabasebenzi abangabaxhasi abaqeqeshiweyo nabahlohli okanye abafundi bakwiYunivesithi yaseStellenbosch abathe bafumana imingeni namathuba ezemfundo ngelixa lesimesta yokuqala yesithuba se-COVID-19:
Ukuphendula kwimfuneko yotshintsho: amazwi e-HE asuka eMazantsi ngelixa lengxuba-kaxaka ye-COVID-19.
-
Umsebenzi wabacebisi osekelwe kwiifakhalthi:
Ubunjani benkonzo umcebisi ngamnye abonelela ngayo kwiifakhalthi, buyahluka kwifakhalthi nganye, kwaye buxoxwa ngokubonisana nosekela-mphathi T-L-A (okanye okwinqanaba elilingana nelakhe) kwifakhalthi nganye. Indawo ofana ngayo lo msebenzi usekelwe kwiifakhalthi uwonke, noko kunjalo, kukumiselwa kweehabhu ze-T-L-A kwiifakhalthi. Ihabhu yefakhalthi ye-T-L-A yindlela ebalulekileyo yokuphakamisa ukufundisa okulungileyo nokudala intlaninge yezifundiswa ezigxile ngokukodwa kumba we-T-L-A. Inengqwalasela engundoqo ekufundiseni neqokelela umdla, Amandla, isikhokelo nobunkokheli. Iihabhu ze-T-L-A ziqalisa, ziququzelele zize ziphakamise imisebenzi eyenziwa rhoqo nephembelela umdla nophuhliso lwefakhalthi ekufundiseni okungobufundiswa.