Biochemistry
Welkom by Universiteit Stellenbosch

Louw Groep

​​GROEPLEIER: Prof. Ann Louw​

Posisie: ​Professor

Kantoor:          A119 JC Smuts Building

Foon:               +27-(0)21-808-5873

Faks:               +27-(0)21-808-5863

E-pos:              al@sun.ac.za

Opvoedkundige agtergrond​​

PhD, Universiteit van Stellenbosch, Biochemie, 1998

Toekennings​

NRF C2-toekenning (2013-2018)

Golden Key International Honour Society Toekenning vir beste lektor in die Wetenskap fakulteit (2008)

Klem van Navorsing​​

Steroïed reseptor seintransduksie, Steroïed-bindende globuliene, Fito-estrogene, Gedissosieerde glukokortikoïede, wisselwerking tussen stres en immuunfunksie.

Opsomming van Navorsing​

Ons navorsing fokus op steroïedhormoon bindende proteïene, spesifiek die proteïene wat steroïedhormone in serum vervoer en intrasellulêre steroïedhormoon reseptore. Die wisselwerking tussen hierdie twee kategorieë van steroïdhormoon bindende proteïene, ontlok deur òf dwelms òf fisiologiese toestande, word verwaarloos in 'n era van spesialisasie ten spyte van die ooglopende fisiologiese relevansie.

Beskrywing van Navorsing​

Ons doel is om die uitwerking van spesifieke verbindings, soos Verbinding A en fito-estrogene, of fisiologiese toestande, soos stres, op steroïdhormoon seintransduksie via reseptore soos die glukokortikoïed reseptor (GR) en estrogeen reseptor (ER) te bestudeer. Dit word gekomplementeer deur die uitwerking op die hoë affiniteit steroïdbindende globuliene, spesifiek kortikosteroïed bindende globulien (CBG) en sekshormoon bindende globulien (SHBG) te ondersoek.

Molekulêre meganisme van aksie van GR – fokus op implikasies van dimerisering​

Glukokortikoïede bly die mees doeltreffende behandeling vir inflammatoriese siektes. Newe-effekte beperk egter hul nut. Gedissosieerde glukokortikoïede, wat diskrimineer tussen transaktivering en transrepressie, word tans beskou as middels wat hul kragtige anti-inflammatoriese aksie kan behou terwyl hul verminderde newe-effekte vertoon. Verbinding A, gesintetiseer in ons departement, is so 'n gedissosieerde glukokortikoïed en sy gedissosieerde aktiwiteit word waarskynlik uitgeoefen deur opheffing van GR dimerisering. Ons is tans besig om die implikasies van 'n wins of verlies van dimeriseringspotensiaal op die biologiese werking van GR te ondersoek.​


Fito-estrogeniese aktiwiteit van Cyclopia (heuningbos)​

Alternatiewe vir hormoonvervangingsterapie word gretig gesoek en fito-estrogene word beskou as 'n lewensvatbare alternatief met minder newe-effekte. Ons het vasgestel dat Cyclopia fitoestrogene bevat en dat 'n ekstrak van Cyclopia met kommersiële fitoestrogeniese preparate kan meeding in terme van sterkte en doeltreffendheid. Onlangse werk dui daarop dat 'n Cyclopia ekstrak drie wenslik estrogeniese eienskappe, antagonisme van ERα, agonis gedrag deur ERβ en attenuasie van estrogeen-gestimuleerde borskanker proliferasie, vertoon. Ons het nou begin met die karakterisering van die molekulêre meganisme van aksie van Cyclopia deur te fokus op borskanker en op SHGB, die hoë affiniteit draer van seks steroïede in plasma wat die biologiese beskikbaarheid van steroïede en fitoestrogene bepaal.​


Wisselwerking tussen pro-inflammatoriese sitokiene en GR-ligande in die lewer

Alhoewel die onderdrukking van inflammatoriese sitokiene deur glukokortikoïede goed bestudeer is as die basis van die anti-inflammatoriese aksie van glukokortikoïede is die effek van inflammatoriese sitokiene op glukokortikoïed aksie, veral in die periferie, minder goed bestudeer. Nadat ons in vivo getoon dat IL-6 die effek van glukokortikoïede in die lewer antagoniseer het ons die studie in weefselkultuur uitgebrei en gevind dat glukokortikoïede en pro-inflammatoriese sitokiene in die algemeen uiteenlopende uitwerkings op GR vlakke en metaboliese ensieme het, terwyl hul funksies konvergeer op die akute fase proteïene. Verdere werk op die interaksie tussen die stres en inflammatoriese stelsels met die fokus op kortikosteroïed bindende globulien (CBG), wat beide as 'n negatiewe akute fase proteïen in die lewer gesintetiseer word en ook die plasma bindende proteïen betrokke by die vervoer van glukokortikoïede is.

Publikasies​

ResearchGate

Google Scholar